खेड-शिवापूर - राष्ट्रीय महामार्ग प्राधिकरणाच्या (एनएचएआय) टोल नाक्‍यांवर फास्टॅगच्या माध्यमातून करण्यात येणाऱ्या शंभर टक्के टोलवसुलीचा निर्णय आता १५ फेब्रुवारीनंतर अमलात येणार आहे, अशी माहिती ‘एनएचएआय’चे प्रकल्प अधिकारी सुहास चिटणीस यांनी दिली.
सुमारे दीड वर्षापासून ‘एनएचएआय’च्या टोल नाक्‍यांवर फास्टॅगच्या माध्यमातून टोल वसुली करण्यात येत आहे. टोल नाक्‍यांवर टोल भरताना वाहनांच्या रांगा लागत होत्या. त्यामुळे वाहनचालकांचा वेळ आणि इंधन वाया जात होते. या पार्श्वभूमीवर फास्टॅगद्वारे टोल वसुली सुरू करण्यात आली. मात्र, अजूनही फास्टॅग नसलेल्या वाहनांचे प्रमाणही अधिक असल्याने टोल नाक्‍यांवर रोख स्वरूपातही टोल स्वीकारला जात होता. त्यामुळे फास्टॅग असूनही वाहनांना टोलच्या रांगेत उभे राहावे लागत होते.
- पुण्याच्या बातम्या वाचण्यासाठी येथे ► क्लिक करा
या पार्श्वभूमीवर येत्या १ जानेवारीपासून रोख स्वरूपात टोल वसुली बंद करून फास्टॅगच्या माध्यमातून शंभर टक्के टोल वसुली करण्याचे आदेश ‘एनएचएआय’ने दिला होता. मात्र, फास्टॅगच्या माध्यमातून शंभर टक्के टोल वसुलीला ‘एनएचएआय’कडून मुदतवाढ देण्यात आली आहे. येत्या १५ फेब्रुवारीपर्यंत ही मुदतवाढ असणार आहे. या मुदतवाढीत वाहन चालकांना आपल्या वाहनांना फास्टॅग बसवून घेता येणार आहे. तर १६ फेब्रुवारीपासून ‘एनएचएआय’च्या सर्व टोल नाक्‍यांवर ‘फास्टॅग’द्वारे शंभर टक्के टोल वसुलीची अंमलबजावणी करण्यात येणार आहे.
फास्टॅगद्वारे टोलवसुलीच्या अंमलबजावणीची मुदत येत्या १५ फेब्रुवारीपर्यंत वाढविण्यात आली आहे. आत्तापर्यंत सुमारे ७० टक्के वाहनांना फास्टॅग बसविण्यात आले, तर उर्वरित वाहनचालकांनी लवकरात लवकर वाहनांना फास्टॅग बसवून घ्यावे. प्रत्येक टोल नाक्‍यावर फास्टॅग बसविण्याची सुविधा उपलब्ध करून दिली आहे.
- सुहास चिटणीस, प्रकल्प अधिकारी, एनएचएआय
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.