पुणे : दारु विक्रीसाठी परवानगी देताना दिलेल्या नियमांचे पालन न केल्यामुळे शहरातील दारूच्या नऊ दुकानांवर मंगळवारी गुन्हे दाखल करण्यात आले आहे. त्यामुळे आता वाईन शॉप चालकांना मद्याची विक्री करताना अधिक खबरदारी घ्यावी लागणार आहे.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा 

गुन्हा दाखल करण्याची आलेले एक दुकानं विश्रामबाग, दोन दुकाने चंदननगर आणि  हडपसर पोलिस ठाण्याच्या हद्दीतील सात दुकाने आहेत. दारूची विक्री करण्यासाठी परवानगी देताना सोशल डिस्टन्सिंग पाळणे, मास्क घालणे आदी नियम आणि अटी घालून देण्यात आल्या होत्या. मात्र दुकान मालकांनी दिलेल्या नियम आणि अटींचे भंग करून कोरोनाचा संसर्ग पसरवण्याची कृती केल्याने त्यांचावर राष्ट्रीय आपत्ती व्यवस्थापन कायदा आणि महाराष्ट्र कोविड उपाय योजनांनुसार गुन्हे दाखल करण्यात आले आहे. राज्यातील कंटेनमेंट झोन वगळता ‘रेड झोन’मध्ये येणाऱ्या जिल्ह्यातही मद्यविक्रीला चार मेपासून सशर्त परवानगी मिळाली होती. महिनाभरानंतर दुकाने उघडणार असल्याने राज्यभरातील वाईन शॉप्सवर तळीरामांनी सकाळपासून गर्दी केली होती. त्यामुळे दुकानाबाहेर सोशल डिस्टनसिंगच्या फज्जा उडाला होता. दारु खरेदीसाठी रांगा आणि गोंधळ वाढल्याने पोलिसांनी काही ठिकाणी वाईन शॉप्स बंद केले होते. 

विनापरवाना भाजीपाला घेऊन गेले होते चौघे; मग झालं असं काही...

दारू खरेदीसाठी नागरिकांकडून ठिकठिकाणच्या वाईन शॉपसमोर मोठ्या प्रमाणात गर्दी केली जात आहे. त्या पार्श्वभूमीवर पुणे पोलिसांनी सर्व वाईन शॉपी मालकांना नोटीस देऊन कोरोनाचा संसर्ग होऊ नये म्हणून सर्व खबरदारी पाळण्याचे आदेश दिले आहेत. त्यानंतरही दारू दुकानासमोर गर्दी झाल्यास कारवाई करण्याचा इशारा पोलिस आयुक्त डॉ. के. व्यंकटेशम यांनी दिला होता. दररोज दारू विक्री करण्यासाठी टोकन सिस्टीम राबविण्यात यावी. ग्राहकांना सॅनिटायझर उपलब्ध करून देण्यात यावे, असे आदेश देण्यात आले आहेत. या सर्व आदेशांची योग्य अंमलबजावणी न केल्याने संबंधितांवर गुन्हे दाखल करण्यात आले आहे.