पुणे - तलाठी कार्यालयात जागा खरेदीची (Land Purchasing) नोंदणीच्या (Registration) कामासाठी 18 हजार रुपयांची लाच (Bribe) घेणाऱ्या एका खासगी व्यक्तीला लाचलुचपत प्रतिबंधक विभागाच्या (एसीबी) हडपसर पोलिस ठाण्यात गुन्हा (Crime) दाखल केला आहे.

नामदेव नागटीळक (रा. फुरसुंगी) असे गुन्हा दाखल केलेल्या व्यक्तीचे नाव आहे. याप्रकरणी 31 वर्षीय व्यक्तीने "एसीबी'कडे तक्रार दिली आहे. हा प्रकार 11 ते 17 फेब्रुवारी दरम्यान घडला. एसीबीने दिलेल्या माहितीनुसार, तक्रारदार यांनी जागा खरेदी केली आहे. नागटीळक याने वैयक्तीक प्रभावाचा वापर करून संबंधीत जागेची फुरसुंगी येथील तलाठी कार्यालयात नोंदणी करण्यासाठी तक्रारदाराकडे 18 हजार रुपये मागितले होते. या प्रकरणाची "एसीबी'ने पडताळणी केली. त्यानंतर नागटीळक याच्याविरुद्ध हडपसर पोलिस ठाण्यात गुन्हा दाखल केला. या प्रकरणाचा तपास पोलिस निरीक्षक सुनील क्षीरसागर करीत आहेत.