पुणे : राष्ट्रीय चित्रपट संग्रहालय आणि फेडरेशन ऑफ फिल्म सोसायटीज्‌ ऑफ इंडिया (पश्चिम विभाग) याच्यातर्फे आयोजित सोळाव्या चित्रपट रसास्वाद शिबिर ऑनलाइन पद्धतीने ३० सप्टेंबर ते ६ ऑक्टोबर दरम्यान आयोजित केले आहे. या शिबिराचे उद्‌घाटन चित्रपट अभिनेते गिरीश कुलकर्णी यांच्या हस्ते गुरूवारी (ता.३०) दुपारी चार वाजता होणार आहे.

शिबिरात यंदा पुणे, पिंपरी-चिंचवड, मुंबई, नाशिक, सातारा, कोल्हापूर, परभणी यांसह गोवा व गुजरात येथील विद्यार्थी सहभागी होणार आहेत. शिबिरात विकास देसाई, श्यामला वनारसे, समर नखाते, उमेश कुलकर्णी, उज्ज्वल निरगुडकर, प्रकाश मगदूम, अनुपम बर्वे, सुहास किर्लोस्कर हे चित्रपट विश्लेषक मार्गदर्शन करणार आहेत. शिबिरात सहभागी होणाऱ्या प्रशिक्षणार्थींना सहभाग प्रमाणपत्र देण्यात येणार आहे.