पुणे : शहरातील आरटीओ कार्यालयाजवळ एसएसपीएमएस कॉलेज (फार्मसी विभाग) येथे दुसऱ्या मजल्यावर एका प्रयोगशाळेत लागलेल्या आगीत काही शैक्षणिक साहित्य जळून खाक झाले.

शुक्रवारी (ता. २) ही घटना घडली. आग लागल्याची माहिती मिळताच अग्निशमन दलाची दोन वाहने दाखल झाली. जवानांनी काही वेळातच आग आटोक्यात आणली. या दुर्घटनेत संगणक, फ्रीज, कागदपत्रे, वायरिंग व इतर साहित्य जळाले असून, कोणी जखमी झाले नाही, अशी माहिती अग्निशमन दलाच्या सूत्रांनी दिली.