कात्रज : कात्रज जवळील गुजरवाडी रस्त्यावरील फर्नीचरच्या गोडाऊनला भीषण आग लागली आहे. घटनास्थळावर 4 फायरगाड्या दाखल झाल्या असून अग्निशामक दलाला आग आटोक्यात आणण्यात यश आले आहे.
गुजर निंबाळकरवाडी रस्त्यावर असणाऱ्या ओम एंटरप्रायसेस आणि इंटेरियरच्या दुकानाला अंदाजे 12:30 वाजण्याच्या सुमारास भीषण आग लागली. आगीत कुठल्याही प्रकारची जीवितहानी झालेली नसली तरी दुकानाचे मोठ्या प्रमाणावर नुकसान झाले आहे. अंदाजे 10 ते 12 लाख रुपयांचे नुकसान झाले असल्याची माहिती दुकानाचे मालक विनोद भागात (वय 37, रा. इंदिरानगर) यांनी दिली आहे. शॉर्ट सर्किटमुळे ही आग लागली असल्याचा प्राथमिक अंदाज भारती विद्यापीठ पोलिसांनी व्यक्त केला आहे.
आज रविवार असल्याने कामगारांना सुटी होती. आग लागली त्यावेळी दुकानात कोणीही उपस्थित नव्हते. दुकानाचे मालकही सकाळी 11:30 च्या सुमारास दुकान बंद करून बाहेर गेले होते, त्यानंतर ही घटना घडली. आग विझवण्यासाठी विकास नाना फाटे, शिवशंभू प्रतिष्ठाणचे महेश सुरेशभाऊ कदम, सागर खंदारे, राहुल ढेबे, सलीम जमादार यांच्यासह स्थानिकांनी प्रयत्न केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.