कॅन्टोन्मेंट - पुणे कॅन्टोन्मेंट बोर्डाच्या सरदार पटेल रुग्णालयाच्या ऑपरेशन थिएटरला शनिवारी (ता.५) आग लागली होती. या घटनेचे फायर सेफ्टी ऑडीट करण्याचा निर्णय बोर्ड प्रशासनाने घेतला आहे. शॉर्ट सर्कीटमुळे ही आग लागली होती.

- ताज्या बातम्यांसाठी डाऊनलोड करा ई-सकाळचे ऍप

पुणे कॅन्टोन्मेंट बोर्डाचे फायर ब्रिगेड आणि इंजिनिअरिंग डिपार्टमेंटच्या माध्यमातून हे फायर सेफ्टी ऑडीट करण्यात येत आहे. फायर सेफ्टी ऑडीटच्या अहवालानंतर पुढील कार्यवाही बोर्ड प्रशासनातर्फे कऱण्यात येणार आहे.

- पुण्याच्या बातम्या वाचण्यासाठी येथे ► क्लिक करा

बोर्डाचे मुख्य कार्यकारी अधिकारी अमितकुमार म्हणाले की, सरदार वल्लभभाई पटेल रुग्णालयातील ऑपरेशन थिएटर येथील वायरिंग गेल्या १५ ते २० वर्षांपासूनचे जूने आहे. बोर्ड प्रशासनातर्फे पटेल रुग्णालयातील अन्य सेवासुविधांकडे लक्ष केंद्रीत करण्यात आले आहे. तसेच जुन्या झालेल्या वायरिंगमुळे शॉर्ट सर्कीट झाले. मात्र, तेथील कर्मचार्यांनी तात्काळ कळविल्यामुळे दुर्घटना टळली. फायर सेफ्टी ऑडीट हे बोर्ड प्रशासनाचे अंतर्गत कामकाज आहे. लवकरच त्याचा अहवाल मिळल्यानंतर पुढील कार्यवाही करण्यात येईल. दरम्यान, बोर्ड प्रशासन पटेल रुग्णालयाच्या आवारातच स्वतंत्रपणे पॉवर स्टेशन तयार करत आहे. त्यामुळे मेटर्निटी वॉर्ड साठी विद्युत पुरवठा करणे सोईस्कर होईल.

Edited By - Prashant Patil