हिंजवडी : माण येथील रायसोनी इंडस्ट्रियल पार्क मध्ये असणाऱ्या व्हेरोक लायटिंग सिस्टीम (इंडिया) प्रायव्हेट लिमिटेड कंपनीला भीषण आग लागून कोट्यावधी रूपयांचे नुकसान झाले. मंगळवारी (ता. 18) पहाटे तीनच्या सुमारास ही आग लागली. तब्बल 5 तास उलटून गेले तरी आग आटोक्यात आली नव्हती. आगीचे नेमके कारण स्पष्ट झाले नसल्याचे हिंजवडीचे वरीष्ठ पोलिस निरीक्षक यशवंत गवारी यांनी सांगितले. मात्र शॉर्ट सर्किट मुळे आग लागली असावी असा अंदाज वर्तवला जात आहे. 

हिंजवडी माण आयटी  पार्कच्या दुसऱ्या टप्यात ही कंपनी आहे. या कंपनीत चारचाकी टाटा व महिंद्रा कंपनीच्या चारचाकी गाड्याचे टेल लॅम्प व हेड लाइट असे स्पेअर पार्ट बनविले जातात. पहाटे तिन च्या सुमारास अचानक आग लागल्याने स्पेअर पार्ट ने पेट घेतल्याने आगीने रुद्र रूप धारण केले. तेथील कर्मचाऱ्यांनी आग विझविन्याचा प्रयत्न केला. परंतु प्लास्टिक पार्ट असल्याने आगीने अवघ्या अर्ध्या तासात रुद्र रूप धारण केले. प्रशासनाने तत्काळ एमआयडीसी अग्निशामक दलाला पाचारण केले . परंतु तोपर्यंत संपूर्ण कंपनी ला आगीने वेढा घातला होता. या आगीत कुठलीही जीवित हानी झाली नसून कम्पनी तील तिघेजण भाजले  आहेत. पोलिसांनी त्यांना तत्काळ खाजगी रुग्णालयात दाखल केले असून त्यांच्यावर उपचार सुरू आहेत.

ताज्या बातम्यांसाठी डाऊनलोड करा ई-सकाळचे ऍप

 एमआयडीसी, पिंपरी चिंचवड महानगरपालिका, पीएमआरडीएच्या अग्निशामक दलाच्या तब्बल 10 गाड्या व खाजगी टँकर आग विझवण्यासाठी प्रयत्नशील होते.