पिंपरी (पुणे) : देहूरोड कॅन्टोन्मेंट बोर्डाच्या भाजपच्या नगरसेवकावर अज्ञातांनी गोळीबार केला. गुरुवारी (ता. १३) सायंकाळी साडेसातच्या सुमारास देहूरोडमध्ये ही घटना घडली. 

विशाल ऊर्फ जिंकी खंडेलवाल असे नगरसेवकाचे नाव आहे.
मिळालेल्या माहितीनुसार, देहूरोड येथे पंडित नेहरू मंगल कार्यालयासमोरील त्यांच्या कार्यालयातील कामकाज आटोपून बाहेर पडताना दोन हल्लेखोरांनी त्यांच्यावर गोळीबार केला. यामध्ये ते जखमी झाले असून, त्यांना तात्काळ जवळील खासगी रुग्णालयात उपचारासाठी दाखल केले आहे.

दरम्यान, अप्पर पोलिस आयुक्त रामनाथ पोकळे घटनास्थळी दाखल झाले आहेत.