वेल्हे,(पुणे) : वेल्हे तालुक्यातील दापोडे येथील हॉटेलचालक तरुणावर आज सकाळी साडेआठच्या सुमारास गोळीबार झाला. या हल्ल्यामध्ये विलास नथू बोरगे ( वय ४०)हा तरुण जखमी झाला आहे. हल्लेखोर हे एका दुचाकीवरुन तीन जण आले होते यांनी गोळीबार केल्याची माहिती स्थानिक नागरीकांनी दिली.   

जखमी तरुणाचे मुळ गाव वेल्हे तालुक्यातील करंजावणे येथील रहिवासी असून हॉटेल व्यवसायानिमित्त दापोडे या गावामध्ये रहात होता. एकाच दुचाकीवर आलेल्या तीन जणांनी या तरुणावर गोळीबार केला व यानंतर हल्लेखोर कुसगाव खिंड मार्गे खेड शिवापुरकडे पसार झाले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

दरम्यान, जखमी झालेला तरुण हा जवळच असलेल्या खाजगी दवाखान्यात गेला असता त्याच्या छातीत गोळी लागल्याचे निदर्शनास आल्या नंतर येथील डॉक्टर भिमराव शेंडकर यांनी १०८ क्रमांकावर फोन करुन अँब्युलन्स बोलावून पुढील उपचारासाठी पुढे पाठविण्यात आले.

हल्लेखोरांनी काळी कपडे घातली होती तर, तोंड पुर्ण झाकले होते. पळुन जात असताना हल्लेखोर यांची दुचाकी शिरगावाजवळ घसरली होती, परंतु घाई गडबडीने हल्लेखोर उठून कुसगाव खिंड मार्गे शिवापुर पुणेकडे पसार झाले. याबाबत वेल्हे पोलिसांनी आरोपी गेलेल्या मार्गाकडे पोलीस पथके रवाना केले आहेत. अधिक तपास वेल्हेचे सह्ययक पोलीस निरीक्षक विनायक देवकर करीत आहेत.

फीसाठी अडवणूक कराल तर खबरदार; शाळांवर कडक कारवाईचे शिक्षणाधिकाऱ्यांनी दिले संकेत