नसरापूर : भोर तालुक्यातील 74 ग्रामपंचायतीच्या निवडणुकी मध्ये बिनविरोध निवडणुक पार पाडणाऱ्या गावास जिल्हा परिषदेच्या माध्यमातून पाच लाखांचा निधी गावच्या विकासासाठी उपलब्ध करुन दिला जाईल, अशी घोषणा शिवसेना नेते माजी जिल्हा परिषद सदस्य कुलदीप कोंडे यांनी केली आहे.
- पुण्याच्या बातम्या वाचण्यासाठी येथे ► क्लिक करा
भोर तालुक्यात 74 ग्रामपंचायतीची निवडणुक येत्या 15 जानेवारी रोजी पार पडत आहे अनेक गावात या साठी जोरदार घडामोडी चालू आहेत एकमेकांच्या विरोधात निवडणूक लढवण्यासाठी जोरदार तयारी करण्यात येत आहे. यामुळे गावागावात वादविवाद होत असतात अशाही परिस्थितीत काही गावातील नागरीक मात्र समंजसपणा दाखवत गावच्या विकासासाठी निवडणूक बिनविरोध पार पाडत आहेत. यांना प्रोत्साहन मिळण्यसाठी जिल्हा परिषदेचे माजी सदस्य शिवसेनेचे सहसंपर्क प्रमुख कुलदीप कोंडे यांनी तसेच विद्यमान जिल्हा परिषद सदस्या त्यांच्या पत्नी शलाका कोंडे यांनी बिनविरोध निवडणुक होणारया गावांसाठी पाच लाख रुपयांचा विकास निधी उपलब्ध करुन देण्याचे जाहीर केले आहे.
कुलदीप कोंडे यांनी याबाबत माहीती देताना सांगितले कि, गावागावांमधील राजकारणाने वर्षानुवर्षे गावात वादविवाद होत आहेत. यामधून भांडणे, मारामाऱ्या होऊन आयुष्यभरासाठी वाद निर्माण होत आहेत. यामुळे गावच्या विकासाला देखील खिळ बसत आहे. यासाठी गावपातळीवरील निवडणुका बिनविरोध व्हाव्यात यासाठी मी नेहमी अग्रही असतो. गाव पातळीवर कोणताही पक्ष किंवा गट न मानता नागरीकांनी एकत्र येऊन गावच्या विकासासाठी सर्वच राजकीय पक्ष व नेत्यांकडे आग्रह धरुन गावांमधील विकासकामे करुन घेतली पाहीजेत निवडणुकीमुळे आलेल्या कटुतेमध्ये हे शक्य नसल्याने निवडणुक बिनविरोध व्हावी यासाठी माझी पत्नी जिल्हा परिषद सदस्या शलाका कोंडे यांच्या वतीने बिनविरोध निडवणुक पार पाडणाऱ्या गावच्या प्रतिनिधींचा आम्ही शिवसेनेच्या वतीने सत्कार करणार असून जिल्हा परिषद फंडातुन त्या गावास पाच लाख रुपयांचा विकास निधी देण्यात येणार आहे.
तालुक्यातील निवडणूक होत असलेल्या सर्वच्या सर्व 74 गावांनी देखील बिनविरोध निवडणुक पार पाडली तरी त्या सर्व गावांना हा प्रत्येकी पाच लाखांचा बक्षिस निधी दिला जाईल. यासाठी कोणताही पक्षीय भेदभाव केला जाणार नाही, अशी माहिती कोंडे यांनी दिली आहे.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.