पिरंगुट (पुणे) : मुळशी तालुक्यात आज कोरोनाचे आणखी सहा रुग्ण सापडले आहेत. त्यामुळे तालुक्यातील कोरोनाबधितांची संख्या आता 70 झाली आहे. त्यापैकी 32 रुग्ण बरे झालेले आहेत. तसेच, अद्याप एकाही कोरोनाग्रस्ताचा मृत्यू झालेला नाही, ही दिलासा देणारी बाब आहे, अशी माहिती तालुका आरोग्य अधिकारी डॉ. अजित कारंजकर यांनी दिली.   

कोरोनामुळे 78 टक्के लघू, सूक्ष्म उद्योगांचे काम बंद 

आज दुपारपर्यंत माले येथे एक हॉटेल व्यावसायिक पुरुषाला कोरोना झाल्याचे निष्पन्न झाले आहे. मुठा खोऱ्यातील माळेगाव येथील एक पुरुष व एका महिलेचा कोरोना चाचणी अहवाल पॅाझिटिव्ह आलेला आहे.  मारूंजी येथील एका महिलेला, तर हिंजवडी येथील 
एका पुरुषास कोरोना झाला आहे. तसेच, पिरंगुट येथील एका 35 वर्षीय कंपनी कामगाराचाही कोरोना अहवाल पाॅझिटिव्ह आला आहे. त्यामुळे तालुक्यातील कोरोनाग्रस्तांची संख्या आता झपाट्याने वाढत चालली असून, नागरिकांनी जास्तीत जास्त काळजी घेणे महत्त्वाचे ठरत आहे.

जिल्ह्यात हरघर गोठे, घरघर गोठे...

मुळशी तालुक्यात काल सहाजण  कोरोनाबाधित सापडले होते. काल  लवळे येथे एक, पौडला दोन, माणला एक, जांबे येथे एक, तर 
कासारसाई येथे एकाला कोरोनाची बाधा झाली असल्याने त्यांच्यावर उपचार चालू आहेत. संबंधित रुग्णांच्या राहत्या घराचा परिसर  सील करण्यात आला आहे. अन्य गावांतही कोरोना पॅाझिटिव्ह रुग्णांच्या राहत्या घरांचा परिसर मायक्रो कंटेन्मेंट झोन म्हणून सील करण्यात आलेला आहे.  

पुण्याच्या बातम्या वाचण्यासाठी येथे ► क्लिक करा

याबाबत पोलिस उपनिरीक्षक अनिल लवटे यांनी सांगितले की, नियमांचे उल्लंघन करणाऱ्या  पिरंगुट परिसरातील भाजीविक्रेते , ग्राहक, वाहनचालक व दुकानदारांवर कारवाईची मोहीम रोजच सुरू राहणार आहे.