येरवडा - नगर रस्त्यावरील खराडी बाह्यवळण येथे दुतर्फा तीनपदरी ग्रेडसेपरेटर; तर येरवडा ते मुंढवा व मुंढवा ते वाघोलीच्या दिशेला जाण्यासाठी उड्डाण पूल असणार आहे. त्यामुळे चौकातील वाहतूक कोंडी कायमची संपणार असून, पुढील चाळीस वर्षांतील संभाव्य वाहनांची संख्या विचारात घेऊन नियोजन केल्याची माहिती आमदार सुनील टिंगरे यांनी दिली.
नगर रस्त्यावरील बाह्यवळण मार्गावर दिवसाला सरासरी १ लाख चाळीस हजार वाहनांची वर्दळ असते. यामध्ये दुचाकींची संख्या ४५ हजार, मोटारी तीस हजार, रिक्षा चार हजार, बसची संख्या तीन हजार असल्याची माहिती रस्ता सुरक्षा ऑडिटमध्ये नोंदविण्यात आल्याचे सांगत टिंगरे म्हणाले, ‘‘खराडी बाह्यवळण चौकात उड्डाण पूल व ग्रेडसेपरेटर करण्यात येणार आहे. उड्डाण पुलाला १८.५५ कोटी; तर ग्रेडसेपरेटरला २१.३२ कोटी रुपयांची आवश्‍यकता आहे. सांडपाणी वाहिन्यांस इतर सेवा वाहिन्या टाकण्यासाठी सुमारे ९ कोटी रुपयांची आवश्‍यकता आहे. महापालिकेने या आर्थिक वर्षात पंधरा कोटी रुपयांची तरतूद केली असून, उर्वरित रक्कम राज्य सरकारकडे पाठपुरावा करून मिळविण्यात येणार आहे.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.