पुणे ः जिल्ह्यातील ग्रामीण भागातील कोरोनाचा आढावा घेण्यासाठी जिल्हाधिकारी डॉ. राजेश देशमुख यांनी चार पथकांची स्थापना केली आहे. या पथकांवर विविध तालुक्‍यांची पाहणी करून अहवाल सादर करण्याची जबाबदारी
सोपविण्यात आली आहे. यानुसार उद्या (बुधवारी) ही पथके पाहणी करणार आहेत.

ताज्या बातम्यांसाठी डाऊनलोड करा ई-सकाळचे ऍप

या पथकांमध्ये जिल्हाधिकारी देशमुख, अतिरिक्त जिल्हाधिकारी विजय देशमुख, जिल्हा परिषदेचे अतिरिक्त मुख्य कार्यकारी अधिकारी भारत शेंडगे, उपमुख्य कार्यकारी अधिकारी महादेव घुले, संदीप कोहीनकर, दत्तात्रेय मुंडे, जिल्हा
आरोग्य अधिकारी डॉ. भगवान पवार, अतिरिक्त जिल्हा आरोग्य अधिकारी डॉ. अभय तिडके आदींचा समावेश करण्यात आला आहे.

क्षमता १२०० प्रवाशांची अन्‌ प्रवास केला फक्त १५ प्रवाशांनी

जिल्हाधिकारी देशमुख यांच्या नेतृत्वाखालील पथक दौंड, इंदापूर, बारामती आणि पुरंदर या तालुक्‍याची पाहणी करणार आहे. दुसरे पथक अतिरिक्त जिल्हाधिकाऱ्यांच्या नेतृत्वाखालील आहे. हे पथक भोर, वेल्हे, मुळशी व मावळ, जिल्हा परिषदेच्या महिला व बालकल्याण विभागाचे उपमुख्य कार्यकारी
अधिकारी दत्तात्रेय मुंडे यांच्या नेतृत्वाखालील पथक तिसरे पथक खेड, आंबेगाव, जुन्नर, शिरूर आणि जिल्हा ग्रामीण विकास यंत्रणेचे प्रकल्प संचालक संभाजी लांगोरे यांच्या नेतृत्वाखालील पथक हवेली तालुक्‍याची पाहणी करणार आहे.

या पाहणीत "माझे कुटुंब, माझी जबाबदारी, कोविड व्यवस्थापन, डाटा रिकन्सिलेशन, डाटा अपडेशन, गंभीर रुग्णांबाबतची व्यवस्था आदींची पाहणी करणार आहे.

(संपादन : सागर दिलीपराव शेलार)