पिंपरी - दिल्ली येथील निजामुद्दीन भागात झालेल्या धार्मिक कार्यक्रमात पिंपरी-चिंचवड शहरातील 32 नागरिक सहभागी झाल्याचे समोर आले आहे. त्यापैकी 14 जणांचा महापालिकेने शोध घेतला असून त्यांना रुग्णालयात दाखल केले आहे. त्यांच्या घशातील द्रावाचे नमुने बुधवारी (ता. 1 ) ‘एनआयव्हीकडे’ तपासणीसाठी पाठविण्यात येणार आहेत. तर इतर 18 नागरिकांचा शोध घेण्याचे काम सुरू असल्याचे महापालिका आयुक्त श्रावण हर्डीकर यांनी सांगितले.

ताज्या बातम्यांसाठी डाऊनलोड करा ई-सकाळचे ऍप

दिल्लीमधील निजामुद्दीन परिसरात पंधरा दिवसांपूर्वी एक धार्मिक कार्यक्रम घेण्यात आला होता. या कार्यक्रमात 1 हजार 830 जण सहभागी झाले होते. यातील काहीजण कोरोनाबाधित असल्याचे समोर आल्याने एकच खळबळ उडाली. दरम्यान, यामध्ये  पिंपरी-चिंचवड शहरातीलही 32 लोक सहभागी झाले होते. हे नागरिक पिंपरी-चिंचवड शहरात येवून 15 दिवस झाले आहेत. महापालिका प्रशासनाने त्या नागरिकांची माहिती काढण्यास सुरुवात केली आहे. अद्यापपर्यंत 14 जणांचा महापालिकेने शोध घेतला असून त्यांना महापालिकेच्या पिंपरीतील यशवंतराव चव्हाण स्मृती रुग्णालय (वायसीएम) व भोसरी रुग्णालयात दाखल केले आहे. त्यांच्या घशातील द्रव्याचे नमुने बुधवारी तपासणीसाठी पाठविण्यात येणार आहेत.

Coronavirus : बीसीजी लस घेतलेल्यांना धोका कमी

या कार्यक्रमात सहभागी झालेल्यांच्या नावांची यादी प्राप्त झाली असून त्यानुसार शहरातील नागरिकांचा शोध घेतला जात आहे . अद्यापपर्यंत 14 जणांना ताब्यात घेऊन रुग्णालयात दाखल केले आहे. इतरांचा शोध सुरू आहे. हे लोक किती जणांच्या  संपर्कात आले आहेत, याचीही माहिती घेतली जात आहे.
- श्रावण हर्डीकर, महापालिका आयुक्त