पुणे : राष्ट्रीय संरक्षण प्रबोधिनीमध्ये (एनडीए) वरिष्ठ अधिकारी असल्याचे भासवून तरुणाला तेथे एअर फोर्स फ्लाईंग ऑफीसर या पदावर नोकरी लावून देण्याचे आमिष दाखवून उत्तर प्रदेशातील एका तरुणाला सव्वा लाख रुपयांना गंडा घातला. याप्रकरणी तिघांविरुद्ध वारजे पोलिस ठाण्यात गुन्हा दाखल करण्यात आला आहे. 

ताज्या बातम्यांसाठी डाऊनलोड करा ई-सकाळचे ऍप

याप्रकरणी नवीन त्रिपाठी (वय 22, रा. उत्तर प्रदेश) यांनी फिर्याद दाखल केली आहे. हा प्रकार सप्टेंबर 2015 तल जानेवारी 2019 या कालावधीमध्ये घडला. पोलिसांनी दिलेल्या माहितीनुसार, फिर्यादी हे मुळचे उत्तर प्रदेशमधील आहेत. नोकरी शोधण्यासाठी ते पुण्यात आले होते. त्यावेळी तीन अनोळखी व्यक्ती त्यांच्या संपर्कात आल्या. त्या तिघांनी आपण त्यांना तिघेजण एका ठिकाणी भेटले होते. त्यावेळी तिघांनीही आपण "एनडीए'मध्ये वरिष्ठ अधिकारी असल्याचे सांगितले. त्यानंतर त्यांनी फिर्यादी यांना त्यांची "एनडीए'मध्ये "एअर फोर्स फ्लाईंग ऑफीसर'च्या प्रशिक्षणासाठी निवड झाल्याची बतावणी केली.

अनुराधा पौडवाल तर माझी आई म्हणून मला...

वैद्यकीय चाचणीसाठी त्यांना वेगवेगळ्या ठिकाणी बोलावून त्यांच्याकडून प्रशिक्षण शुल्कापोटी सव्वा लाख रुपये बॅंकेत भरायला सांगितले. त्यानंतर फिर्यादी यांना प्रशिक्षणाकरीता निवड झाल्याचे पत्र, शुभेच्छापत्र, एनडीएचे माहितीपत्रक, या स्वरुपाची बनावट कागदपत्रे बनवून ती फिर्यादी यांना पोस्टाने पाठवून दिली. फिर्यादी यांनी संबंधीत कागदपत्रांची सत्यता पडताळली. त्यावेळी त्यांची फसवणूक झाल्याचे उघड झाले.