बारामती : एकाच क्रमांकाची नंबरप्लेट दोन वाहनांना वापरुन शासनाची फसवणूक केल्याप्रकरणी बारामती तालुका पोलिसांनी मालकाविरुद्ध गुन्हा दाखल केला आहे.
उपप्रादेशिक परिवहन कार्यालयाचे मोटारवाहन निरीक्षक हेमंतकुमार सोलनकर यांनी याबाबत फिर्याद दिली. 1 ते 7 फेब्रुवारी 2020 दरम्यान ही घटना समोर आली. सोलनकर यांचे कार्यालयीन सहकारी प्रकाश मुळे यांना एका व्यक्तीने एमएच-42- एक्यू-0711 या बोगस क्रमांकाची गाडी चालवली जात असल्याचे सांगितले. त्यानंतर पियाजिओ कंपनी परिसरात या गाडीचा शोध घेतला गेला.
पुण्याच्या बातम्या वाचण्यासाठी येथे क्लिक करा
एका ट्रकची नंबरप्लेट खोडल्याचे तपासणीत दिसल्यानंतर बनावट क्रमांकाद्वारे चालविला जात असलेला हाच ट्रक असल्याची खात्री झाली होती. वाहनचालक जागेवर नसल्याने त्या वेळेस कारवाई झाली नाही. 3 फेब्रुवारी रोजी महालक्ष्मी ऑटोमोटिव्हज् प्रा. लि. या कंपनीकडून एक लेखी अर्ज प्राप्त झाला होता. त्या अर्जानुसार उपप्रादेशिक परिवहन कार्यालयाने पियाजिओ कंपनीकडे या वाहनाची कागदपत्रे मागितली.
याबाबत कंपनीने दिलेल्या माहितीत 30 जानेवारी रोजी संध्याकाळी पावणेसातच्या सुमारास हे वाहन केरळमधील कुन्नूर येथे आठ रिक्षा घेऊन गेले होते. याच क्रमांकाची गाडी 1 फेब्रुवारी रोजी मटेरियल गेटमधून सव्वादहाच्या सुमारास सूरज इंडस्ट्रीजकडून माल घेऊन आली होती.
पुण्याच्या बातम्या वाचण्यासाठी येथे क्लिक करा
दोन दिवसात केरळमधून मालाची डिलिव्हरी देऊन वाहन परतू शकत नाही हे उघड होते, त्यामुळे शासनाची फसवणूक करण्याच्या उद्देशाने बनावट नंबरप्लेट, कागदपत्रे वापरुन यात शासनाची फसवणूक झाल्याचे पुढे आले. सहायक पोलिस निरीक्षक महेश विधाते अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.