पुणे

गर्भवतींसाठी पालिकेकडून स्वतंत्र रुग्णवाहिका

सकाळवृत्तसेवा

पुणे - प्रसूतीच्या काळात गर्भवतींना रुग्णालयात उपचाराकरिता ये-जा करता यावी, यासाठी दोन स्वतंत्र रुग्णवाहिका (ॲम्ब्युलन्स) सुरू करण्याचा निर्णय महापालिकेच्या सर्वसाधारण सभेत घेण्यात आला. या योजनेसाठी एकाच टप्प्यात ४० लाख रुपये मंजूर करण्यात आले आहेत. रुग्णवाहिकेत प्रसूतितज्ज्ञ आणि अन्य यंत्रणाही उपलब्ध होईल. महापालिकेने प्रथमच सुरू केलेल्या योजनेमुळे गरीब व गरजू घटकांतील महिलांना दिलासा मिळणार आहे. 

 एरवी एकमेकांचे प्रस्ताव हाणून पाडण्यासाठी प्रयत्न करणाऱ्या नगरसेवकांनी योजनेचे कौतुक करीत, तिची व्याप्ती वाढविण्याची मागणी केली. शहराच्या पूर्व भागासाठी विशेषत: हडपसरकरिता ही रुग्णवाहिका उपलब्ध करावी ही योगेश ससाणेंची उपसूचना मान्य केली. महापालिकेच्या प्रसूतिगृहांमध्ये गर्भवतींना येणाऱ्या अडचणींकडे ‘सकाळ’ने ‘ती’च्या कळा’ या वृत्तमालिकेद्वारे लक्ष वेधले होते. त्यानंतर महापालिका आवश्‍यक त्या सुविधा पुरवित आहे. प्रसूतीदरम्यान तज्ज्ञांचा सल्ला घेण्यासाठी प्रसूतिगृहांत ‘व्हिडिओ कॉन्फरसिंग’ची सोय करण्यात आली. 

महिला व बालकल्याण समितीच्या अध्यक्ष राजश्री नवले आणि वृषाली चौधरी यांनी रुग्णवाहिकेचा मांडलेला प्रस्ताव सर्वसाधारण सभेत मंजूर झाला. या योजनेसाठी पुरेसा निधी उपलब्ध करून दिल्याचे सभागृह नेते श्रीनाथ भिमाले यांनी सांगितले. 

रुग्णवाहिकेत या सुविधा असतील 
प्रसूतितज्ज्ञ
माता आणि बाळासाठी सोय
महिला चालक, अटेंडन्ट
परिचारिका
प्रसूतीआधीची आवश्‍यक यंत्रणा
या सेवेसाठी संपर्क यंत्रणा

 प्रसूतीच्या काळात गर्भवतींची रुग्णालयात ने-आण करण्यासाठी रुग्णावाहिकेची व्यवस्था आहे. ती सेवा मोफत राहणार असून, सर्व गरजू महिलांना ती उपलब्ध असेल.
राजश्री नवले, अध्यक्ष - महिला व बालकल्याण समिती, महापालिका

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT