पुणे : जम्मू-काश्मीरमधील राजौरी जिल्ह्यात दहशतवाद्यांनी घडवलेल्या आयईडीच्या स्फोटात भारतीय लष्कराचे मेजर शशीधरन व्ही. नायर हुतात्मा झालेले त्यांच्या पार्थिवावर वैकुंठ स्मशानभूमीत सरकारी इतमामध्ये अंत्यसंस्कार करण्यात आले. यावेळी पालकमंत्री गिरीश बापट, उपमहापौर डॉ. सिद्धार्थ धेंडे, खासदार अनिल शिरोळे, आमदार भीमराव तापकीर उपस्थित होते.

तसेच हजारो तरुण याठिकाणी गोळा झाले असून ''हुतात्मा मेजर नायर झिंदाबाद'', ''अमर रहे, अमर रहे, शशी नायर अमर रहे'' ,अशा घोषणा दिल्या जात आहेत देशासाठी आत्मबलिदान करणाऱ्या अधिकाऱ्याला हजारो पुणेकरांनी श्रद्धांजली अर्पण केली. 

जम्मू- काश्‍मीरमध्ये नियंत्रण रेषेजवळ दहशतवाद्यांनी शुक्रवारी घडविलेल्या स्फोटात पुण्यातील मेजर शशिधरन नायर (वय ३३, रा. मुकाईनगर, खडकवासला) यांच्यासह एक जवान हुतात्मा झाला. लष्कराच्या फर्स्ट गोरखा रायफल्समध्ये ते कार्यरत होते.

पुण्यातील मेजर नायर हुतात्मा