वाल्हेकरवाडी - सण, उत्सव हे सुरळीत पार पडून शांतता कायम राहावी, या उद्देशाने रात्रंदिवस खडा पहारा देणाऱ्या कर्तव्यदक्ष पोलिस बांधवांना व पोलिस मित्रांना चिंचवड येथील प्रतिष्ठानने ‘घरचा डबा’ देण्याचा उपक्रम राबविला. 

त्याअंतर्गत चिंचवडचे वरिष्ठ पोलिस निरीक्षक प्रभाकर शिंदे यांच्या सूचनेनुसार भरीत आणि पुरीचे डबे, तसेच पाण्याच्या बाटलीचे वाटप करण्यात आले. या वेळी नगरसेवक नामदेव ढाके, शेखर चिंचवडे, भाजप व्यापारी आघाडीचे शहराध्यक्ष राजाभाऊ चिंचवडे उपस्थित  होते. 

संवादचे सर्व समन्वयक अनुक्रमे प्रदीप पटेल, रामचंद्र पाटील, रवींद्र कुवर, राजेंद्र निकम, माउली जगताप, प्रल्हाद पाटील, गौतम बागूल, भगवान निकम, सचिन महाले, किरण महाजन, विशाल वाणी, प्रवीण महाजन, किशोर बागूल यांनी संयोजन केले.