घोडेगावात कामगारांना दिवाळी फराळ वाटप

घोडेगाव : येथील राम काळे मित्र मंडळाच्या वतीने साखर कारखान्याच्या ऊसतोड कामगारांची दिवाळी गोड केली. येथील 101 कामगारांना दिवाळीच्या फराळाचे वाटप करुन राम काळे मित्र मंडळाने आपला सामाजिक वसा सुरु ठेवला आहे.

येथील खटकाळ वस्तीवरील 101 ऊसतोड कामगारांना हे वाटप करण्यात आले. भिमाशंकर कारखान्याचे उपाध्यक्ष माऊली गावडे, संचालक प्रदिप वळसे पाटील, अक्षय काळे, बाळासाहेब खालकर, तानाजी जंबुकर, माजी सभापती कैलासबुवा काळे यांच्या हस्ते हे वाटप करण्यात आले. यावेळी बोलताना प्रदिप वळसे पाटील म्हणाले, कै. राम काळे यांनी तालुक्यात अनेक पदे भूषविली. त्या पदांची शान वाढविण्याचे काम त्यांनी केले. त्यांचा सामाजिक वसा जपण्याचे काम राम काळे मित्र मंडळ करत आहे. यावेळी अशोक घुले, घोडेगावच्या सरपंच क्रांती गाढवे, उपसरपंच सोमनाथ काळे, काळेवाडी-दरेकरवाडीच्या सरपंच मंजुश्री बोऱ्हाडे, रुपाली झोडगे, सखाराम पाटील काळे, सहाय्यक पोलीस निरिक्षक जीवन माने उपस्थित होते.