लोणावळा : मुलीचे प्रेमसंबंध असल्याच्या संशयावरून वडिलांनी मारहाण केल्याचा धक्कादायक असा प्रकार समोर आला आहे. या प्रकरणी 24 वर्षीय तरुणीनं वडिलांच्या विरोधात मारहाणीची तक्रार पोलिसांत दाखल केली आहे. मुलीने केलेल्या तक्रारीनंतर पोलिसांनी वडिलांवर गुन्हा दाखल केला असून अधिक तपास केला जात आहे. 

 ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

याबाबत लोणावळा शहर पोलिसांनी दिलेल्या माहितीनुसार, फिर्यादी तरुणीचे एका मुलाशी प्रेम संबंध असल्याचा वडिलांना संशय होता. त्या कारणावरूनच सोमवार (ता.२८ सप्टेंबर) ते शुक्रवार (ता.०२ ऑक्टोबर) या कालावधीत तरुणीला घराबाहेर जाऊ दिलं नाही. तिला घरातच डांबून ठेवण्यात आलं. याशिवाय तिच्याकडे असलेला मोबाईल फोन, लॅपटॉपही वडिलांनी काढून घेतल्याचा आरोप तरुणीने केला आहे. तसंच वडिलांकडे असलेल्या वस्तू मागितल्याने त्यांनी मारहाण केल्याचा आरोप तरुणीने केला आहे. 

शरद पवार संतापले; 'उत्तर प्रदेशमध्ये कायद्याचे राज्य आहे, यावर कवडीचा विश्वास राहिला नाही!'

तरुणीच्या तक्रारीनंतर पोलिसांनी या प्रकरणी वडिलांविरुद्ध मारहाणीचा गुन्हा दाखल केला आहे. आपल्याला डांबून ठेवलं आणि मारहाण केली असा आरोप तरुणीने वडिलांविरोधात केला आहे. या प्रकरणाचा पुढील तपास पोलिस निरीक्षक मनोजकुमार यादव यांच्या मार्गदर्शनाखाली सुरू आहे.