पुणे - पुणे जिल्ह्यातील दूध उत्पादक शेतकऱ्यांचे लॉकडाउनमुळे अतोनात नुकसान झाले आहे. त्यामुळे या शेतकऱ्यांना प्रतिलिटर 10 रुपयांचे थेट अनुदान द्यावे, अशी मागणी पुणे शहर व जिल्ह्यातील महायुतीच्या पदाधिकाऱ्यांनी आज (ता. 20) जिल्हाधिकारी नवल किशोर राम यांच्याकडे केली. 

या मागणीची पूर्तता येत्या 31 जुलैपर्यंत करण्यात यावी. अन्यथा 1 ऑगष्टला राज्यव्यापी आंदोलन करण्यात येईल, असा इशाराही महायुतीच्या पदाधिकाऱ्यांनी दिला आहे. 
खासदार गिरीश बापट, भाजपचे शहराध्यक्ष जगदीश मुळीक यांच्यासह महायुतीतील विविध घटक पक्षांच्या पदाधिकाऱ्यांच्या उपस्थितीत या मागण्यांचे निवेदन जिल्हाधिकाऱ्यांना देण्यात आले. 

पुण्याच्या बातम्या वाचण्यासाठी येथे क्लिक करा

यावेळी भाजपचे पुणे जिल्हाध्यक्ष गणेश भेगडे, जिल्हा परिषदेचे माजी अध्यक्ष जालिंदर कामठे, आरपीआयचे (ए) शहराध्यक्ष अशोक शिरोळे, प्रदेश सचिव बाळासाहेब जानराव, शिवसंग्रामचे शहराध्यक्ष भरत लगड, रासपचे शहराध्यक्ष सनी रायकर, शहर भाजपचे सरचिटणीस राजेश येनपुरे, दीपक नागपुरे, आरपीआय पश्‍चिम महाराष्ट्र युवक आघाडीचे अध्यक्ष परशुराम वाडेकर आदी उपस्थित होते. 

पुणे व्यापारी महासंघाने मुख्यमंत्र्यांना पाठवलं पत्र; काय केली मागणी पाहा!

बापट म्हणाले, ""कोरोनाच्या संकटामुळे दूध संकलन होत नसल्याने दूध उत्पादक शेतकऱ्यांचे प्रचंड नुकसान होत आहे. या शेतकऱ्यांना दुधाचा योग्य तो भाव मिळत नाही. यामुळे राज्यभरातील दूध उत्पादकांवर अन्याय होत आहे.'' 

(Edited by : Kalyan Bhalerao)