पुणे : कोरोना विषाणूच्या प्रादुर्भावाच्या काळातही अखंडित वीजपुरवठा व ग्राहकसेवेसाठी विशेष कामगिरी बजावणाऱ्या पश्‍चिम महाराष्ट्रातील 16 अभियंते, तांत्रिक कर्मचारी या कोरोना वीजयोद्धांसह उत्कृष्ट उपकेंद्र व डिजिटल शाखा कार्यालयांना पुणे प्रादेशिक कार्यालयाकडून मानचिन्ह व प्रमाणपत्र देऊन गौरविण्यात आले. 

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

कोरोनाचा प्रादुर्भाव व निसर्ग चक्रीवादळाच्या काळात अखंडित वीजपुरवठा व ग्राहकसेवेसाठी उल्लेखनीय कामगिरी करणाऱ्या मंडलनिहाय प्रत्येकी एक शाखा अभियंता व तांत्रिक कर्मचाऱ्यांची कोरोना वीजयोद्धा म्हणून निवड करण्यात आली. यासोबतच ग्राहकसेवा, वसुली व सुरळीत वीजपुरवठ्याच्या निकषानुसार परिमंडलनिहाय एक उपविभागीय कार्यालय, महावितरण पोर्टल व ऍपद्वारे 'ऑनलाईन' काम करणाऱ्या डिजिटल शाखा कार्यालय, बिघाडरहित व आदर्शवत उत्कृष्ट उपकेंद्रांची देखील मंडलनिहाय प्रत्येकी एक अशी निवड करण्यात आली.
 
पुण्यात गेल्या 24 तासांपासून पावसाची रिपरिप सुरूच; पुढील 3-4 दिवस पावसाची शक्यता

स्वातंत्र्यदिनानिमित्त आयोजित कार्यक्रमात पुणे प्रादेशिक संचालक अंकुश नाळे यांच्या हस्ते पुणे परिमंडलमधील कोरोना वीजयोद्धांना मानचिन्ह व प्रमाणपत्र प्रदान करून गौरविण्यात आले. यावेळी अधीक्षक अभियंता पंकज तगलपल्लेवार, शंकर तायडे, पुनम रोकडे आदींची उपस्थिती होती. कोविड-19मुळे सातारा, सोलापूर, कोल्हापूर, सांगली व बारामती मंडलमधील कोरोना वीजयोद्धा व कार्यालयांना परिमंडल, मंडल कार्यालयांमध्ये गौरविण्यात आले.