सोन्याच्या दागिन्यांचे पाकीट
सातारारोड पाडळीतून चोरीस

कोरेगाव, ता. १९ : सातारारोड पाडळी (ता. कोरेगाव) येथील एका महिलेचे एक लाख ८२ हजार रुपये किमतीचे सोन्याचे दागिने ठेवलेले पाकिट चोरीला गेल्याची नोंद येथील पोलिस ठाण्यात झाली आहे.
याबाबत गीतांजली संजय फाळके (रा. सातारारोड पाडळी) यांनी पोलिस ठाण्यात फिर्याद दिली आहे. त्यात म्हटले आहे, की दहा मे रोजी मी माझी भाची अमृता जगताप हिचे जोशीविहीर येथील लग्नावरून रात्री आठच्या दरम्यान सातारारोड पाडळी गावचे हद्दीत आमच्या राहते घरी आलो असताना माझ्या पर्समधील एक लाख ८२ हजार रुपये किमतीचे सोन्याचे दागिने ठेवलेले पांढरे रंगाचे पाकिट अज्ञात चोरट्याने माझे संमतीशिवाय मुद्दाम, लबाडीने चोरून नेले आहे. अधिक तपास पोलिस हवालदार भुजबळ करत आहेत.