लोणी काळभोर - पूर्व हवेलीतील नागरिकांना गुगल पे, पेटीएम यांसारख्या युपीआय प्लॅटफॉर्मवरुन बिल भरायचं असल्यास आता अधिक सहा रुपये द्यावे लागणार आहेत. होय, इथल्या छोट्या दुकानदारांनी असा निर्णय घेतला आहे. तसेच जर ग्राहक हे अधिकचे पैसे द्यायला तयार नसल्यास दुकानदार रोख स्वरुपात पैसे देण्याची मागणी करत आहेत. याबाबतचे फलकच या दुकानदारांनी आपल्या दुकानात लावले आहेत.

गुगलपे, पेटीएमच्या माध्यमातून हॉटेल, चहा, पानटपरींवर बिलाचे पैसे घेण्याचा आग्रह धरल्यास, लोणी काळभोर व कदमवाकवस्ती ग्रामपंचायत हद्दीतील अनेक दुकानदारांनी सहा रुपये एक्स्ट्रा द्यावे लागतील असे फलकच दुकानात लावले आहेत. यामुळे ग्राहकांची गैरसोय झाल्याचे दिसून येत आहे. मात्र, असं का घडलंय हे जाणून घेतल्यास कळलं की, गुगल पे, पेटीएमद्वारे ज्या दुकानदारांनी ग्राहकांकडून पैसे स्विकारले त्या व्यावसायिकांच्या बॅंक खात्यातून लोणी काळभोर (ता. हवेली) येथील युनियन बॅंकेने लेजर प्रिंटच्या नावाखाली प्रतिव्यवहार पाच रुपये नव्वद पैसे परस्पर वसूल केले आहेत, दोन दिवसांपूर्वी सकाळनेच ही बाब समोर आणली होती. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

सर्वच राष्ट्रीयकृत बँकांकडून शुल्क वसूली?
त्यानंतर लोणी काळभोर, उरुळी कांचन, कदमवाकवस्तीसह पूर्व हवेलीमधील अनेक व्यावसायिकांनी आपआपल्या बॅंकेत जाऊन या व्यवहारांबाबत खात्री केली असता केवळ युनियन बॅंकेनेच नव्हे तर सर्वच राष्ट्रीयकृत बॅंकांनी युपीआयच्या माध्यमातून पैसे स्विकारलेल्याव्यावसायिकांच्या बॅंक खात्यातून सहा रुपये वसूल केल्यास समोर आलं आहे. यामुळे आता अनेक व्यावसायिकांनी रोख स्वरुपातच पैसे स्विकारण्यास सुरुवात केली आहे.

हेही वाचा - फॅशन स्ट्रीटमधील आगीने विक्रेते, कामगारांचे जगणे झाले मुश्कील 

...तर एक्स्ट्रा चार्ज द्यावा लागेल
या प्रकाराबाबत माहिती देताना लोणी स्टेशन येथील हॉटेल व्यावसायिक प्यारे उर्फ कृष्णा कोटीयान म्हणाले, "मागील वर्षभरापासून आम्ही चहाची दहा रुपये तर वडापावची बारा रुपये या किंमतींना विक्री करत आहोत. या ठिकाणी एमआयटी या शिक्षण संस्थेचे बहुतांश ग्राहक असल्याने चहा, वडापाव अथवा इतर पदार्थांचे पैसे विद्यार्थी डीजिटल माध्यमातून देत होते.

बचत गटाच्या मिटींगसाठी कुरकुंभ येथे नेऊन विवाहितेवर बलात्कार; तिघांना अटक

मात्र, चार दिवसांपूर्वी माझ्यासह अनेक दुकानदारांच्या खात्यातून प्रतिव्यवहार सहा रुपये बँकांनी कापून घेतल्याने आम्हाला मोठ्या आर्थिक नुकसानीला सामोरं जावं लागलं आहे. यामुळे आता बिलाचे पैसे रोख स्विकारण्याचा निर्णय आम्ही घेतला आहे. मात्र, एखाद्या ग्राहकाला जर गुगल पे किंवा पेटीएमद्वारे पैसे द्यायचे असतील तर संबधित ग्राहकाकडून एक्स्ट्रा सहा रुपये घेण्यात येणार आहेत."

फॅशन स्ट्रीट आग: नुकसानीचा अहवाल 3 दिवसात द्या; पाहणीनंतर अजित पवारांचे आदेश

चहा विक्रेत्यांना मोठा फटका...
पूर्व हवेलीत अनेक चहा विक्रीची साखळी दुकानं सुरु झाली आहेत. या व्यवसायात स्थानिक तरुण मोठ्या प्रमाणात उतरले आहेत. विक्रेत्यांना एक कप चहा बनविण्यासाठी सरासरी सहा ते साडेसहा रुपये खर्च येतो. तर एक कप चहाची विक्री सरासरी दहा रुपयांना केली जाते. यामुळे चहा विक्रेत्याला चहाच्या एका कपापोटी साडेतीन रुपयांचा फायदा होतो. जर एक कप चहाचा फायदा साडेतीन ते चार रुपये असेल आणि चहाचे बिल युपीआयच्या माध्यमातून स्विकारल्यास दुकानदाराला पाच रुपये नव्वद पेशाचा भुर्दंड पडतो आहे. हे उघडपणे नुकसान असल्याने चहा विक्रेत्यांनीही चहाचे बिल रोख स्वरुपात स्विकारण्याचा निर्णय घेतला आहे.

Edited By - Prashant Patil