आज लोकसभा निवडणुकांच्या तिसऱ्या टप्प्यासाठी मतदान पार पडत आहे. बारामती लोकसभा मतदारसंघात देखील मतदान होत आहे. दरम्यान पुण्यातील धायरीच्या काका चव्हाण शाळेतील मतदानादरम्यान एक आजोबा संतापल्याचा व्हिडिओ व्हायरल झाला आहे. EVM वर कमळ चिन्ह दिसल्यामुळे आजोबा संतापले.

पुण्यातील धायरी भाग बारामती लोकसभा मतदारसंघात येतो आणि बारामतीत सुप्रिया सुळे आणि सुनेत्रा पवार यांच्यात लढत आहे. सुनेत्रा पवार राष्ट्रवादी काँग्रेसकडून निवडणूक लढत आहेत. त्यांचे चिन्ह घड्याळ आहे. तर शरद पवार यांच्या राष्ट्रवादीकडून सुप्रिया सुळे उभ्या आहेत. त्यांचे चिन्ह तुतारी वाजवणारा माणूस आहे. भाजप आणि अजित पवार यांच्या राष्ट्रवादीची युती असल्यामुळे बारामतीत कमळ चिन्ह नाही आहे.

भाजपच्या पारंपरिक मतदारांचा असा संताप होत आहे. बारामती मतदारसंघाकडे अवघ्या राज्याचं लक्ष लागलं आहे. इथं नणंद भावजय अशी लढत होत आहे. महायुती आणि महाविकासआघाडीतील असलेल्या वेगवेगळ्या पक्षांमुळे मतदारांचा मोठा गोंधळ उडत आहे.

आजोबा काय म्हणाले?

EVM वर फुल नाही. कमळ हे चिन्हच नाही. उमेदवार नाही तर त्याला आम्ही काय करणार. कमळचं चिन्ह नाहीत तर आम्ही कसं मतदान करणार आहे. मतदान करायचे आहे पण कमळ फुल कुठे आहे, असे आजोबा म्हणाले.