हडपसर : सातववाडी येथील शांताबाई कळसकर (वय ६८) व त्यांचे पती रजनीकांत कळसकर (वय ७२) या दांपत्याने कोरानावर मात केली व ते घरी परतले आहेत.

नापास विद्यार्थ्यांसाठी खूशखबर, पास होण्याची संधी आलीये चालून...

शांताबाई कळसकर गेली २ वर्षे कॅन्सर या जीवघेण्या दुर्धर आजाराशी लढत आहेत, तर पती रजनीकांत हे गेली ३५ वर्षे अर्धांगवायू पीडित आहेत. मात्र दोघांनीही कोरोनावर योग्य उपचार घेतल्याने आपण कोरोनाला हारवू शकतो हे सर्वांना दाखवून दिले. रुग्णालयातून घरी आल्यानंतर कळसकर दांम्पत्य आणि रोहित यांच्यावर नागरिकांनी फुलांचा वर्षाव व औक्षण करून स्वागत केले.

कोरोना रिपोर्ट पॅाझिटिव्ह आल्यावर सुद्धा आजी डगमगल्या नाहीत. प्रचंड आत्मविश्वासाने त्या उपचारासाठी सज्ज झाल्या, पण त्यांना अनेक हॉस्पिटलमध्ये बेड उपलब्ध होत नव्हते. अखेर या भागातील सामाजिक कार्यकर्ते प्रशांत सुरसे यांनी लागलीच वरिष्ठ पातळीवर प्रयत्न करून बोपोडी येथील पुणे महानगर पालिकेच्या खेडेकर रुग्णालयात या दांपत्याला उपचारासाठी दाखल केले. पण प्रश्न होता अर्धांगवायुने आजारी असलेल्या आजोबांचा. त्यांच्यासाठी मदतनीस असणे गरजेचे आहे, असे रुग्णालय प्रशासनाने कळविले व पुन्हा एक अडचण आली. या अडचणीच्या वेळी त्यांचा कोरोनामुक्त झालेला नातू रोहित हा धावून आला. रोहित न घाबरता कोरोना वॉर्डमध्ये आजी-आजोबांची सेवा करण्यासाठी दाखल झाला आणि दोघांना रोज जेवण, नाष्टा औषधी काढा देऊन त्यांना बरे करूनच घरी घेऊन आला.

भाजयुमो आक्रमक, जय श्रीराम असलेली दहा लाख पत्रे शरद पवारांना पाठवणार

 शांताबाई म्हणाल्या, ''प्रशांत सुरसे व पल्लवी सुरसे आणि त्यांच्या सहका-यांनी माझे मनोबल वाढविले व योग्य वेळी आम्हाला सहकार्य व मार्गदर्शन केले. यामुळे आम्हाला पुढील उपचार मिळाले व आम्ही कोरोनामुक्त झालो. कोरोनाला घाबरू नका. स्वतःची आणि परिवाराची काळजी घ्या व सरकारी नियमांचे पालन केल्यास कोरोनावर मात करणे सहज शक्य आहे.'' 

सुरसे म्हणाले, ''या भागातील प्रत्येक परिवार हा माझा आहे आणि प्रत्येक व्यक्ती ही माझ्या कुटूंबाची सदस्य आहे. या निस्वार्थी भावनेने मी आणि माझे सर्व सहकारी या परिसरात कोरोना बाधितांसाठी काम करत आहे. त्यांच्या परिवाराला येणाऱ्या प्रत्येक अडचणी सोडविण्याचा प्रयत्न करत आहोत. आत्मविश्वास ढळू देऊ नका. स्वतःला सावरा. कोरोनाबधित रुग्ण आणि त्यांच्या कुटुंबियांना मदत करा, त्यांना वाळीत टाकू नका, वेळ सगळ्यांवर येणार आहे आणि जाणार ही आहे.''

रुग्णालयातून घरी आल्यानंतर कळसकर दांम्पत्य आणि रोहित यांच्यावर फुलांचा वर्षाव व औक्षण करून स्वागत करण्यात आले. यावेळी पल्लवी सुरसे, ओम झंवर, हरीश शेलार, उल्हास भोंगळे, सचिन नेमकर, विरनाथ सरडे, आप्पा बोटे, मनोज पोटे, सचिन हिंगणे, युवक प्रतिष्ठान,  स्वाभिमानी महिला संघटनेचे पदाधिकारी उपस्थिती होते.

पुण्याच्या इतर बातम्या वाचण्यासाठी येथे क्लिक करा