कॅन्टोन्मेंट : संत मदर तेरेसा वाचनालयाच्या माध्यमातून या परिसरातील विद्यार्थांना मोठी मदत होणार आहे. ठोस कामांबरोबरच लोकउपयोगी कामांना नगरसेवक साईनाथ बाबर प्राधान्य देत आहेत. ही बाब कौतुकास्पद आहे. असे मत मनसे युवा नेते अमित राज ठाकरे यांनी व्यक्त केले.

कोंढवा खुर्द येथे महाराष्ट्र नवनिर्माण सेनेचे नगरसेवक साईनाथ बाबर यांच्या प्रयत्नातून व महापालिकेच्या माध्यमातून शिवनेरीनगर येथे भारतरत्न संत मदर तेरेसा अभ्यासिका सुरु करण्यात आली आहे. त्याचे उदघाटन मनसे युवानेते अमित राज ठाकरे यांच्या हस्ते झाले. त्यावेळी ठाकरे बोलत होते. या वाचनालयात जवळपास १२५ विद्यार्थ्यांचा आसन क्षमता आहे. कार्यक्रमाचे आयोजन माजी नगरसेविका आरती साईनाथ बाबर यांनी केले होते. अल्पशा आजाराने निधन पावलेले शशिकांत कुदळे यांच्या परिवाराचे सात्वन व विचारपूस अमित ठाकरे यांनी कुदळे त्यांच्या घरी जावून केली.

कार्यक्रमास मनसे शहराध्यक्ष वसंत मोरे, बाबू वागस्कर, बिशप थाँमस डाबरे, बिशप नरेश अंबाला, बिशप पाँल डुपारे, पास्टर जोशूआ मोतीवाला, पास्टर नरेंद्र महाडकर, पास्टर भालचंद्र कांबळे, फादर डाँमनिक ॲडम्स, अमोल शिरस, सुप्रिया शिंदे, हुसेनभाई शेख, रोहन गायकवाड आदींसह परिसरातील नागरिक उपस्थित होते.मराठी महाराष्ट्रात राहाणार्या व्यक्तीला यायलाच हवी. या राज ठाकरे यांच्या विचारांना आमचा पाठींबाच राहिल. असे मत बिशेप थाँमस डाबरे यांनी व्यक्त केले. नागरिकांना दिलेला शब्द आम्ही पाळला असून, प्रत्येक काम दूरष्टीकोन ठेवूनच केली आहेत. असे यावेळी साईनाथ बाबर म्हणाले.