पिंपरी - लग्नसोहळ्यातील गोड आठवणी जपण्यासाठी आपण प्रत्येक क्षण कॅमेऱ्यात कैद करतोच. मात्र, सध्याच्या जमान्यात लग्नापूर्वीच्या आठवणी कॅमेऱ्यात बंदिस्त करण्यासाठी ‘प्री-वेडिंग शूट’ करण्याची क्रेझ वाढत आहे. 

ताज्या बातम्यांसाठी ई-सकाळचे ऍप डाऊनलोड करा

सध्या अनेक लग्नसोहळे भव्यदिव्य स्वरूपात साजरे होताना दिसतात. साखरपुडा, हळद व लग्नसमारंभातील फोटो व व्हिडिओ शूटिंग करण्यासह लग्नाच्या आधीच्या क्षणांचा आनंद साठवून ठेवण्याकडेही तरुणाईचा कल वाढत आहे. यासाठी प्री-वेडिंग शूट करण्यावर भर दिला जात आहे. पूर्वी लग्न होईपर्यंत नववधू-वरांचे भेटणे तर दूरच, बोलणेही होत नसायचे. मात्र, सध्याची तरुणाई आयुष्यातील महत्त्वाच्या सोहळ्याला कॅमेऱ्यात बंदिस्त करताना दिसत आहे. यामुळे मागील काही वर्षांत प्री-वेडिंग शूटिंगचे प्रमाण वाढले असून, फोटोग्राफर व व्हिडिओग्राफर यांनाही मागणी वाढली असल्याचे दिसून येते.

''भाजी विकू नको सांगितले'' म्हणून भाजीवाल्याचा आठ पैलवानांसह सोसायटीत राडा

प्री-वेडिंग शूटच्या वेळी वेगवेगळ्या फोटो फ्रेम्स, टोपी, छत्री, बाइक, सायकल, गिटार यांसह विविध प्रकारची शायरी तसेच लग्नाची तारीख लिहिलेल्या पाट्या, असे प्रॉप्स वापरले जातात. फोटो काढताना त्याचे चित्रीकरणही केले जात असते. बजेटनुसार जोडप्यांना लोकेशनची निवड करून दिली जाते. नेमके कोणत्या गाण्यावर चित्रीकरण करायचे, त्यासाठी आवश्‍यक लोकेशन कोणते, ड्रेपरी कोणत्या पद्धतीची लागेल, याबाबत जोडप्यांना माहिती दिली जाते.

शेतकरी कर्जमुक्ती योजनेची पुणे जिल्ह्यातील पहिली यादी जाहीर

लग्नाआधीची भेट ही नव वधू-वरांसाठी अनोखे गिफ्ट असते. ही भेट कायम स्मरणात राहावी, यासाठी अनेकजण ‘प्री-वेडिंग शूट’ करण्यास प्राधान्य देतात. दूर अंतरावरचे लोकेशन असल्यास शूटसाठी किमान दोन दिवसांचा कालावधी लागतो. समुद्रकिनारी अथवा ग्रामीण भागातील शेतात शूट करण्यास अधिक पसंती दिली जात आहे.  
- गोपाल निकुंभ, छायाचित्रकार