पुणे : 'हर हर महादेव' या चित्रपटात चुकीच्या पद्धतीने ऐतिहासिक प्रसंग दाखविण्यात आले आहेत. त्यामुळे इतिहासाचे विकृतीकरण होत आहे. शिवाजी महाराजांसोबत लढणारे बांदल सरदारांचे वंशज, पासलकरांचे वंशज आणि संभाजी ब्रिगेडसह विविध संघटनांच्या पदाधिकाऱ्यांच्या वतीने या चित्रपटाचे लेखक, दिग्दर्शक आणि निर्माते यांना कायदेशीर नोटीस पाठविण्यात आल्याची माहिती संभाजी ब्रिगेडच्या वतीने देण्यात आली.
या चित्रपटात दाखविण्यात आलेल्या प्रसंगाचा ७ दिवसांच्या आत पुराव्यासह लेखी खुलासा करण्यात यावा, अशी मागणी त्यांनी केली आहे. शिवाजी महाराज महाराष्ट्राची प्रेरणा आणि अस्मिता आहेत. चित्रपटविषयक स्वातंत्र्याच्या नावाखाली इतिहासाचे अशा प्रकारचे विकृतीकरण कसल्याही परिस्थितीत सहन केले जाणार नाही. योग्य व समाधानकारक खुलासा न आल्यास या चित्रपटाचे लेखक, दिग्दर्शक आणि निर्माते यांच्याविरुद्ध न्यायालयात दाद मागणार आहोत, असे संभाजी ब्रिगेडचे प्रदेश संघटक संतोष शिंदे यांनी सांगितले.
या चित्रपटात इतिहासाची मोडतोड केल्याचा आरोप करीत संभाजी ब्रिगेड, अखिल भारतीय मराठा सेवा संघ यांच्यासह विविध संघटनांच्या पदाधिकारी आणि कार्यकर्त्यांनी चित्रपटगृह बंद पाडून निषेध व्यक्त केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.