Harishchandragad News : महाराष्ट्रात ट्रेकिंगसाठी प्रसिद्ध असलेल्या अहमदनगर जिल्ह्यातील हरिश्चंद्र गडावर एका पर्यटकांचा दुर्दैवी मृत्यू झाल्याची धक्कादायक बातमी समोर आली आहे.

अधिक माहिती अशी कि, बाळू नाथाराम गिते असं या मृत पर्यटकाचे नाव आहे. रस्ता भरकटल्यामुळे बाळूसोबत त्याचे मित्र हरिश्चंद्रगडावर अडकले होते. रात्रभर सतत पडणारा पाऊस आणि थंडीमुळे कुडकुडून या तरुणाचा मृत्यू झाला.

अनिल उर्फ बाळू नाथाराव गिते, अनिल मोहन आंबेकर, गोविंद दत्तात्र्यय आंबेकर, तुकाराम आसाराम तिपाले, महादू जगन भुतेकर, हरिओम विठ्ठल बोरुडे हे सहा तरुण पुण्याहुन हरिश्चंद्रगडावर गेले होते.

हे सर्वजण पुण्यातील कोहगाव येथे राहणारे आहेत. १ ऑगस्ट रोजी सायंकाळी ५ वाजता त्यांनी ट्रेकला सुरुवात केली. गडावर चढत असताना धुक्यामुळे ते रस्ता भरकटले.पाऊस आणि थंडीने रात्रभर काकडल्याने या तरुणांची प्रकृती खराब झाली.अनिल उर्फ बाळू गिते या तरुणाची प्रकृती जास्तच बिघडली आणि त्याचा बुधवारी रात्री दुर्दैवी मृत्यू झाला.

वन विभागाला याबाबत माहिती समजताच स्थानिक गावकरी, वनविभाग आणि पोलीस प्रशासनाने मयत व्यक्तीसह पर्यटकांना गडावरून केले रेस्क्यू. तीन तरुणांची प्रकृती खालवल्यामुळे त्यांना तात्काळ रुग्णालयात उपचारासाठी दाखल केले. या तरुणांवर उपचार सुरु असून त्यांची प्रकृती स्थिर आहे.