पुणे : कोरोनाबाधित रुग्ण असलेल्या अतिसंवेदनशील भागांमध्ये सर्वेक्षण आणि अन्नधान्य पुरवण्याचे काम करणाऱ्या तलाठ्यांसह महसूल कर्मचाऱ्यांनाही पीपीई किट आणि इतर साहित्य उपलब्ध करून देण्यात येत आहे.

ताज्या बातम्यांसाठी डाऊनलोड करा ई-सकाळचे ऍप
पुणे शहर तहसील कार्यालयातील तलाठी आणि अन्य कर्मचाऱ्यांना मंगळवारी वैयक्तिक संरक्षणासाठी  पीपीई कीट, सॅनिटायझर, मास्‍क, हातमोजे, द्रवरुप हँडवॉश असे प्रत्येकी सुमारे साडेसहा हजार रुपये किमतीचे किट देण्यात आले. तसेच, प्रतिकारशक्ती वाढीकरि‍ता कर्मचारी आणि त्यांच्या कुटुंबीयांसाठी कामधेनू व तत्वसेवा या संस्थेतर्फे मोफत होमियोपथी औषधे, डॉ. बनसोडे यांच्यातर्फे मोफत आयुर्वेदिक औषधे देण्यात आली. शहर तहसील कार्यालयातील सर्वच कर्मचाऱ्यांची कोवीड 19 बाबतची पूर्वतपासणी करण्‍यात आली. मेट्रो मेडिकल फाऊंडेशन आणि पुनीत बालन ग्रुप यांच्यावतीने आयोजित शिबीरात ही तपासणी करण्‍यात आल्याची माहिती तहसीलदार तृप्‍ती कोलते-पाटील यांनी दिली.

Coronavirus : पुण्यातून कोरोनाचा होऊ शकतो नायनाट; पण...

शहर तहसील कार्यालयांतर्गत झोपडपट्ट्यांचे प्रमाण अधिक आहे. लॉकडाऊन’मुळे  कामगारांवर बेरोजगारीची वेळ आली आहे. शहरातील या गरजू, बेरोजगार मजुरांनाक्षेत्रीय अधिकारी म्हणजेच गाव कामगार, तलाठी, कोतवाल, मंडळाधिकारी यांच्यामार्फत अन्नधान्याचे किट वाटप करण्यात येत आहेत. अतिसंवेदनशील भागांमध्ये जाऊनही तलाठ्यांना नागरिकांसाठी कीट उपलब्ध करून द्यावी लागतात. या कर्मचाऱ्यांच्या आरोग्याची खबरदारी घेण्यासाठी राज्य सरकारने जिल्हा प्रशासनाला निधी उपलब्ध करून दिला आहे. यामुळे कर्मचाऱ्यांच्या कार्यक्षमतेत तसेच आत्‍मविश्‍वासात नक्कीच वाढ होईल, असे कोलते पाटील यांनी सांगितले.

Video : आठ बाय आठ फुटांच्या खोलीत, कसं पाळायचं डिस्टंसिंग?