कुरकुंभ : मळद (ता. दौंड ) येथे कोरोना संसर्गामुळे दोन जणांचा मृत्यू व दहा जणांचा अहवाल पॉझिटिव्ह येऊनही महसूल प्रशासन, ग्रामपंचायत, आरोग्य विभागाकडून होणाऱ्या दुर्लक्षाबाबत सकाळने लक्षवेधल्याने आज ( ता. 10 ) सकाळी पंचायत समिती सदस्य प्रकाश नवले यांनी गावामध्ये संबंधित विभागांच्या कर्मचाऱ्यांची तातडीने बैठक घेऊन आवश्यक उपाययोजना करण्याबाबत सूचना दिल्या.
मळद येथील नवीन माध्यमिक विद्यालयातमध्ये कोरोनासंदर्भातील शासनाच्या नियमांचे पालन करीत पंचायत समिती सदस्य नवले यांच्या उपस्थित बैठक पार पडली. याप्रसंगी रावणगाव प्राथमिक आरोग्य केंद्राच्या वैद्यकीय अधिकारी डाॅ. अनुराधा बोऱ्हाडे, माजी सरपंच दत्ताञेय शेलार, तलाठी दीपक पांढरपट्टे, पोलिस पाटील यशश्री दुधे, ग्रामसेविका कोमल खोमणे, शिक्षक, अंगणवाडी सेविका व मदतनीस उपस्थित होत्या.
बैठकीमध्ये कोरोना उपाययोजनांबाबत गावात जनजागती करणे, घरोघरी जाऊन सर्वेक्षण करणे, ज्येष्ठ व्यक्तींना प्रतिकारशक्ती वाढविणाऱ्या औषधांचे वाटप करणे, मास्क न वापरणाऱ्यांविरूध दंडात्मक कारवाई करणे, पॉझिटिव्ह अहवाल आलेल्या व्यक्तींना कोविड सेंटरमध्ये हलविणे. तर अहवाल निगेटिव्ह आलेल्या व्यक्तींना बाहेर न फिरता 14 दिवस विलगीकरणात राहण्याच्या सूचना देणे. सूचनांचे पालन केल्यास कारवाई करणे. गर्दी टाकण्याच्या सूचना बैठकीत देण्यात आल्या. यावेळी पंचायत समिती सदस्य नवले व डाॅ. बोऱ्हाडे यांनी मार्गदर्शन केले. तर काम करताना येणाऱ्या अडचणी व समस्या अंगणवाडी सेविका, मदतनीस, आरोग्य कर्मचारी व शिक्षिकेने मांडल्या. कर्मचाऱ्यांच्या अडचणी सोडविल्या जातील. मात्र सर्वांनी एकत्रितरीत्या काम करून गाव कोरोना मुक्त करण्यासाठी प्रयत्न करावेत असे आवाहन पंचायत समिती सदस्य नवले यांनी केले.
देशभरातील इतर बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.