पुणे : एक दिवसाचा विश्रांतीनंतर मंगळवारी (ता.१३) सकाळपासूनच शहरात हलक्या स्वरूपाच्या पावसाने हजेरी लावली आहे. आकाश मुख्यतः ढगाळ असून शहर व उपनगरात अनेक ठिकाणी हलक्या सरीना पहाटेपासूनच सुरवात झाली.
सोमवारी दिवसभरात शहरात सहा मिलिमीटर एवढ्या पावसाची नोंद झाली. हीच आकडेवारी रविवारी ५० मिलिमीटर पेक्षा जास्त होती. रविवारी संध्याकाळी पडलेल्या धुवाधार पावसामुळे पुणेकरांनी धास्ती घेतली आहे. कारण अनेक ठिकाणी झाडे पडण्यापासून ते घरात पाणी घुसण्या पर्यंतच्या घटना घडल्या होत्या. अगदी कमी कालावधीत मुसळधार पडणाऱ्या पावसामुळे शहरात अनेक ठिकाणी पाणी साचल्याच्या घटना घडल्या.
तसेच रस्त्यांनाही ओढ्यांचे स्वरूप प्राप्त झाली होती. मंगळवार सकाळपासूनच आता पावसाला सुरुवात झाली असून दिवसभर आकाश मुख्यता ढगाळ, अनेक ठिकाणी हलक्या ते मध्यम स्वरूपाच्या जोरदार सरांची शक्यता हवामान खात्याने वर्तवली आहे. विशेषता दुपारी सुरू झालेला पाऊस रात्री पर्यंत चालेल असा अंदाजही वर्तवण्यात आला आहे.
त्यामुळे पुणेकरांनी आज कामानिमित्त बाहेर पडताना छत्री रेनकोट आधी गोष्टी जवळपास गरजेचं आहे. तसेच सखल भागात राहणाऱ्या नागरिकांबरोबरच ओढा व नदी काठच्या नागरिकांनी विशेष काळजी घेणे गरजेचे आहे. पुढील दोन दिवस पावसाची दाट शक्यता असल्याने घाट माथ्यावर फिरण्यासाठी जाणे टाळावे, असा इशारा हवामान विभागाने दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.