लोणावळा : मुंबई-पुणे एक्स्प्रेस वेवर पुण्याच्या दिशेनं जाणाऱ्या मार्गिकेवर मोठी वाहतूक कोंडी झाल्याचं वृत्त आहे. या मार्गावर सिंहगड इन्स्टिट्यूटसमोर एक ट्रक पलटी झाल्यानं या मार्गावरील वाहतूक महामार्ग पोलिसांनी थांबवली आहे. वाहतूक सुरु होण्यासाठी आणखी अर्धा-पाउण तास वेळ लागणार असल्याची माहिती महामार्ग पोलिसांनी दिली आहे. (Heavy traffic jam on Mumbai Pune Expressway on Pune route Traffic stopped due to overturned truck)

महामार्गावर लोणावळ्याच्या पुढे तीन ते चार किमी अंतरावरील सिंहगड इन्स्टिट्यूटसमोर काम सुरु असलेल्या ठिकाणी ट्रकचा अपघात झाल्याची माहिती मिळत आहे. या अपघातामुळं पोलिसांनी वाहतूक थांबवली आहे. यामुळं पुण्याकडं जाणाऱ्या मार्गावर अंदाजे ५ ते ७ किमी पर्यंत वाहनांच्या लांबच लांब रांगा लागल्या आहेत. वाहतूक सुरु होण्यासाठी आणखी अर्धा-पाउण तास वेळ लागणार असल्याची माहिती महामार्ग पोलिसांनी दिली आहे.