पिंपरी : 'घरात वाळलेल्या भाकरीचे तुकडे खाऊन दिवस काढत आहोत. रेशनवर धान्य मागायला गेलो असता आम्हांला हाकलून दिलं जातं. गावाकडं गेलो असतो तर निदान पोट तरी भरलं असतं. उपासमार झाली नसती. आम्ही उपाशीपोटी कसेही दिवस काढू हो...! पण लेकरांबाळांचं काय करायचं? अशा विवंचनेत असलेल्या एका कुटुंबाने 'सकाळ' कार्यालयाचे दरवाजे ठोठावले. अन्‌ अखेर त्याच्या उपाशीपोटी असलेल्या कुटुंबीयांची वणवण थांबली.

पुण्याच्या इतर बातम्या वाचण्यासाठी येथे ► क्लिक करा 

सकाळपासूनच अन्नाच्या शोधात निघालेले वाल्हेकरवाडी, रिलायन्स टॉवर, सायली कॉम्लेक्‍स येथे भाडेतत्त्वावर राहत असलेल्या उमाकांत सरवदे कुटुंबीयांची ही करुण कहाणी आहे. घरात सात माणसांचे कुटुंब आहे. घरात आठ दिवसांपासून अन्नधान्याचा कण नाही. सरवदे हे एका खासगी कंपनीत ड्रायव्हर म्हणून नोकरी करतात. कंपनीच्या मालकाने अद्यापपर्यंत त्यांना पगार दिला नाही. सुपरवायजरला कॉल केल्यास तो उचलत नसल्याचे त्यांनी सांगितले.

मला दोन बायका आहेत; पास देता का...

सरवदे यांच्या पत्नी म्हणाल्या, 'काही स्वयंसेवी संस्था जेवणाची मदत करत आहेत. पण ती तुटपुंजी ठरत आहे. आमच्या पदरी तीन मुलं आहेत. रेशनकार्ड गावाकडचे आहे. तीन वेळा धान्य मागायला गेलो तर दुकानांतून आम्हाला अक्षरक्ष: हाकलून दिलं जात आहे. घरात बसायचं पण खायचं काय? लॉकडाउनने उपासमार व्हायला लागली आहे. हाताला कामधंदा मिळायला हवा. अन्यथा आम्हाला जगणं अवघड होईल.

बातम्या ऐकण्यासाठी डाऊनलोड करा ई-सकाळचे ऍप
 

लॉकडाउनपर्यंत मिळाला दिलासा...
अखेर 'दैनिक सकाळ' कार्यालयातून त्या कुटुंबीयांना दिलासा मिळाला. उपाशीपोटी असलेल्या सरवदे कुटुंबियाला अजमेरा कॉलनी येथील 'बी द चेंज' या संस्थेच्या विशाल मासूळकर यांनी तातडीने 'सकाळ' कार्यालयातच जेवण पुरविले. जैन सकल समाजानेही घरपोच जेवण देण्याची तयारी दर्शविली. तसेच कासारवाडीतील मातृभूमी प्रतिष्ठानच्या स्वयंसेवकांनी अन्नधान्याचे कीट लवकरात लवकर घरपोच दिले. त्यामुळे लॉकडाउनपर्यंत होणारी या कुटुंबीयांची फरपट थांबली. 

पुण्याच्या इतर बातम्या वाचण्यासाठी येथे ► क्लिक करा