VRG26B06253
वैराग (ता. बार्शी) : इंदिरानगर येथील आश्रमशाळेत होळीचे पूजन करताना मान्यवर.
---
इंदिरानगर येथील आश्रमशाळेत होळी साजरी
वैराग : येथील प्राथमिक, माध्यमिक व उच्च माध्यमिक आश्रमशाळा, इंदिरानगर येथे होळी सण साजरा करण्यात आला. कार्यक्रमाचे अध्यक्ष मुख्याध्यापक विकास पाटील होते तर प्रमुख पाहुणे म्हणून जय जगदंबा परिवाराचे कपिल कोरके, प्राचार्य खंडेराया घोडके व प्रा. नरहरी कुलकर्णी उपस्थित होते. यावेळी अध्यक्ष व प्रमुख पाहुण्यांच्या हस्ते होळीचे पूजन करण्यात आले. कार्यक्रमाचे प्रास्ताविक अमोल पोटफोडे यांनी केले. यावेळी मान्यवरांनी मनोगत व्यक्त केले. यावेळी सहशिक्षक बाळासाहेब शिंदे यांनी मुला- मुलींना खाऊ वाटप केला. तसेच आश्रमशाळेतील मुला- मुलींना पुरणपोळीचे गोड जेवण दिले. यावेळी सर्व शिक्षक, शिक्षकेतर कर्मचारी व विद्यार्थी उपस्थित होते. प्रा. बाळासाहेब वाळके यांनी सूत्रसंचालन केले. सहशिक्षक चंद्रकांत घायतिडक यांनी आभार मानले.