Pune School Holiday Updates : पुणे शहरासह जिल्ह्यात उद्या मुसळधार पावसाचा इशारा हवामान खात्यानं दिला आहे. यापार्श्वभूमीवर पुण्यासह पिंपरी-चिंचवड शहरातील शाळा आणि कॉलेजेसना गुरुवारी (२६ सप्टेंबर) सुट्टी जाहीर करण्यात आली आहे. जिल्हाधिकारी डॉ. सुहास दिवसे यांनी याबाबतचे आदेश जारी केले आहेत.

पुण्यात उद्या ढगांच्या गडगडाटासह मुसळधार पावसाचा इशारा देण्यात आला आहे. यापार्श्वभूमीवर शाळा-कॉलेजच्या विद्यार्थ्यांच्या सुरक्षेच्या कारणास्तव जिल्हाधिकाऱ्यांनी सुट्टीचा निर्णय जाहीर केला आहे.

दरम्यान, पुण्यात बुधवारी दुपारनंतर मुसळधार पावसानं हजेरी लावली. तीन तास झालेल्या या पावसानं पुण्याची अक्षरशः वाट लावली. ठिकठिकाणी सखल भागात मोठ्या प्रमाणावर पाणी साचल्यानं नागरिकांना यातून मार्ग काढणं अवघड बनलं होतं. तसंच दुपारपासूनच रात्री उशीरापर्यंत बाणेर रोड, विद्यापीठ रस्ता, शिवाजीनगर भागात प्रचंड वाहतूक कोंडी झाली होती. उद्या देखील रेड अलर्टमुळं हीच परिस्थिती उद्भवू शकते. त्यामुळं शालेय विद्यार्थ्यांच्या सुरक्षेच्या कारणास्तव शाळा-कॉलेजला सुट्टी जाहीर करण्यात आली आहे.