जुन्नर - महाशिवरात्री तसेच आठ मार्च जागतिक महिला दिनाच्या निमित्ताने प्रजापिता ब्रह्माकुमारी ईश्वरीय विश्व विदयालय, जुन्नर केंद्राच्या वतीने ध्वजवंदन तसेच सामाजिक कार्यात काम करत असणाऱ्या पाच माहिलांचा विशेष सन्मान करण्यात आला. 

सर्वप्रथम मान्यवरांच्या हस्ते ध्वजवंदन आणि त्यानंतर मान्यवरांचे दीपप्रज्वलन करण्यात आले. 

महिला दिना निमित्त मोंन्टेसरी टीचर्स ट्रेनिंग सेन्टरच्या संचालिका श्रीमती वंदनाताई परदेशी, तनिष्का गटप्रमुख व तुळजाभवानी महिला प्रतिष्ठानच्या संस्थापक अध्यक्षा उज्वला शेवाळे, नृत्य प्रबोधिनीच्या संचालिका तेजल गुजराथी, पोलीस उपनिरीक्षक स्मिता नवघरे  आणि समाजसेविका रुपाली बोकरिया या पाच महिलांचा शाल, श्रीफळ, ईश्वरीय भेटवस्तू आणि प्रसाद देऊन विशेष सन्मान करण्यात आला. 

जुन्नर केंद्राच्या संचालिका बी. के. वंदना बहेनजी यांनी महाशिवरात्रीचे अध्यात्मिक महात्म्य सांगितले. तसेच ईश्वरीय संदेश दिला. सहसंचालिका बी. के. मनीषा बहेनजी यांनी महिला दिना निमित्त आपले विचार व्यक्त केले. बी. के. रोशनी बहेनजी यांनी प्रास्ताविक केले तर वंदना बहेनजी यांनी आभार मानले.