मुंबई : महापालिकेचा विकासनिधी सत्ताधारी पक्षाला भरभरून दिला जातो; मात्र विरोधी पक्षावर अन्याय होत असल्याच्या तक्रारी महापौरांकडे वाढल्या आहेत. विरोधी पक्षांबरोबर असा दुजाभाव का, आम्ही प्रभागातील कामे कशी करायची, असा सवाल महापौर रितू तावडे यांना मनसेच्या प्रभाग क्रमांक ३८च्या नगरसेविका सुरेखा परब-लोके यांनी पत्राद्वारे विचारला आहे. ही दुय्यम वागणूक म्हणजे मतदारांचा घोर अपमान आहे, असेही नगरसेविका परब-लोके यांनी म्हटले आहे. मुंबई महापालिकेने वर्ष २०२६-२७ साठी विकासनिधीची तरतूद केली आहे. मुंबईतील अनेक प्रभागांवर कोट्यवधींच्या विकासनिधीची खैरात करण्यात आली आहे.