पुणे : पत्नीचे अश्‍लील फोटो सासऱ्याच्या मोबाईलवर पाठवून, ते फोटो सोशल मीडियावर व्हायरल करण्याची धमकी देणाऱ्या जावयाला उत्तमनगर पोलिसांनी अटक केली. न्यायालयाने त्याला दोन दिवसांची पोलिस कोठडी सुनावली.

- ताज्या बातम्यांसाठी डाऊनलोड करा ई-सकाळचे ऍप

उत्तमनगर पोलिसांनी 26 वर्षीय पतीला अटक केली. याप्रकरणी 21 वर्षीय पत्नीने फिर्याद दिली होती. हा प्रकार मे 2019 ते 18 फेब्रुवारी 2020 या कालावधीत घडला.

उन्हाच्या चटक्‍याने जिवाची काहिली

फिर्यादी तरुणी व आरोपी हे दोघेही रिलेशनशिपमध्ये राहत होते. त्या वेळी आरोपीने फिर्यादीच्या नकळत तिचे अश्‍लील फोटो काढले. ते फोटो सोशल मीडियावर व्हायरल करण्याची धमकी देऊन फिर्यादीला लग्न करण्यास भाग पाडले. त्यानंतर त्याने तेच फोटो फिर्यादीच्या वडिलांना पाठविले. दरम्यान, हा सर्व प्रकार त्या तरुणीस समजला. त्यानंतर त्यांनी पोलिस ठाण्यात तक्रार दिली.