पुणे : कोरोना'काळात ऑडिटींगसह इतर कामांसाठी सनदी लेखापालास (सीए) 'कोरोना' झाला तर त्यांना दीड लाख रुपयांची मदत करण्याचा निर्णय द इंस्टिट्यूट ऑफ चार्टर अकाऊंट्स ऑफ इंडियाने (आयसीएआय) घेतला आहे. 'आयसीएआय'च्या निधीतून मदत करण्यात येणार आहे.
लाॅकडाऊननंतर अनलाॅकमध्ये अनेक व्यवहार सुरू झाले आहेत, पण 'कोरोना'मुळे धाेका टळलेला नाही. उलट पुण्यात तर रुग्णांचा आकडा वाढत आहे. अशा स्थितीत 'सीएं'ना बँका, कंपन्यांचे कार्यालये, मोठ्या संस्था यासह अन्य ठिकाणी कामासाठी जावे लागते. अनेकांशी भेटी होतात. सोशल डिस्टन्स राखला तरी धोका पूर्णपणे टळलेला नसतो. याचा विचार करून 'आयसीएआय'ने चार्टर्ड अकाऊंटंट बनेव्हलंट फंडातून (सीएबीएफ) मदत करण्याचा निर्णय घेतला आहे.
'सीए'ना कोरोनाची लागन झाल्यास 'कोरोना' पाॅझिटिव्ह अहवालासह इतर कागदपत्र सादर करावे लागतील. त्यानंतर मदत दिली जाईल. पण हा निधी फक्त कोरोना उपचारासाठीच वापरावा लागणार आहे. त्याचा वापर न झाल्यास हा निधी परत करावा लागणार आहे.
अधिक माहिती https://cabf.icai.org या संकेतस्थळावर आहे, असे परिपत्रकात नमूद केले आहे.
- पुण्याच्या बातम्या वाचण्यासाठी येथे क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.