पिंपरी - करदात्यांना दिलासा मिळावा, यासाठी २०१८-१९ या आर्थिक वर्षातील मिळकतकराची थकबाकीसह दोन्ही सहामाहीच्या संपूर्ण बिलाची रक्कम ३० जून २०१८ पर्यंत एक रकमी भरल्यास मिळकतधारकांना सामान्य करात सवलत दिली जाणार आहे.
माजी सैनिक व स्वातंत्र्यसैनिक किंवा त्यांच्या पत्नी राहत असलेल्या मिळकतीस ५० टक्के, महिलांच्या नावे असलेल्या निवासी घरास ५० टक्के, ४० टक्के किंवा त्यापेक्षा जास्त अपंगत्व असणाऱ्या अंध, अपंग, कर्णबधिर व मूकबधिर यांच्या नावावर असणाऱ्या मिळकतीस ५० टक्के, ग्रीन बिल्डिंग रेटिंग सिस्टिम राबविणाऱ्या मिळकतीस ५ ते १५ टक्के, स्वतंत्र नोंद असलेल्या निवासी मिळकतीस १० टक्के, तर बिगरनिवासी, मिश्र, औद्योगिक, मोकळ्या जमिनी यासाठी ५ टक्के सामान्य करात सवलत दिली जाणार आहे.
ऑनलाइनसाठीही ऑफर
मिळकत कराचा ३० जूनअखेर ऑनलाइन भरणा केल्यास चालू वर्षाच्या मागणीतील सामान्य करात पाच टक्के सवलत व त्यापुढे ३१ मार्च २०१९ अखेर ऑनलाइन भरणा केल्यास चालू वर्षाच्या मागणीतील सामान्य करात दोन टक्के सवलत मिळणार आहे. मिळकतधारकांना १६ करसंकलन विभागीय कार्यालय, महापालिकेची आठ क्षेत्रीय कार्यालये व www.pcmcindia.gov.in या संकेतस्थळावर ऑनलाइन पेमेंट गेट-वेद्वारे मिळकतकराचा भरणा स्वीकारण्याची सुविधा उपलब्ध आहे. त्याशिवाय रोख, धनादेश आणि डीडीद्वारेदेखील कराचा भरणा करता येणार आहे.
मिळकतधारकांनी ३० जून २०१८ पर्यंत कराचा भरणा करून या सवलत योजनेचा लाभ घ्यावा.
- दिलीप गावडे, अतिरिक्त आयुक्त
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.