सातगाव पठार : सध्या सगळीकडेच कोरोनाने आपले हात पाय पसरले आहेत. रोज वाढणारी रूग्ण संख्या, वाढलेला मृत्युदर हा नक्कीच धडकी भरवीणारा आहे. याचा परिणाम सोशल मिडीयावर दिसून येत आहे. सोशल मिडीयावरील फेसबुक, व्हॉट्सॲपवर येणारे रोजचे रूग्णवाढीचे आकडे पाहून नागरीकांमध्ये अस्वस्थता वाढत चालली आहे. त्यामुळे अनेक जण आता सोशल मिडीयापासून दुरच राहणे पसंत करत आहेत.

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

गेल्या काही वर्षांपासून व्हॉट्सॲप, फेसबुक, इन्स्टाग्राम, ट्विटर आदी सोशल मिडीया वापरण्याचे नागरीकाच्या प्रमाणात खुप मोठ्या प्रमाणावर वाढ झाली आहे. प्रत्येकाच्या हातातच आता स्मार्टफोन आल्याने त्यावरील व्हॉट्स ॲप ग्रुप देखील वाढले आहेत. मात्र आता हेच व्हॉट्स ॲप ग्रुप आता नागरीकांना नकोसे झाले आहेत.

कोरोनाकाळातही जगासह आपल्या आजूबाजूची स्थानिक स्थिती कळणे सोशल मिडीयामुळे शक्य झाले आहे. किती कोरोणाबाधीत आढळले, किती बरे झाले, किती जणांचा मृत्यु झाला याबाबत सोशल मिडीयावर तातडीने माहिती उपलब्ध होवू लागली. सुरवातीला ग्रामीण भागात कोरानाबाधीत कमी प्रमाणावर सापडत होते मात्र आता गेल्या काही दिवसांपासून कोरोनाने ग्रामीण भागातही आपले वर्चस्व वाढवले आहे.

कोरोना होवू नये यासाठी काय उपाययोजना कराव्यात याबाबत देखील सोशल मिडीयावर वारंवार येत असलेली माहिती पहावयास मिळत आहे. त्यामुळे नागरीक अधिक खबरदारी घेवू लागले आहेत. मात्र याचे रूपांतर कुठेतरी भितीत होवू लागले असल्याचे दिसून येत आहे. त्यामुळे सोशल मिडीयापासून दूरच राहणेच सध्यातरी अनेक जण पसंत करत आहेत.

कोरोना काळात सकारात्मक विचार ऐकणे, वाढविणे आवश्यक आहे. सोशल मिडीयावर याबाबत सकारात्मक बाबींवर अधिक भर दिला पाहीजे. सोशल मिडीया वापरात तरूणाई आघाडीवर आहे त्यामुळे तरूणाईने याबाबत दखल घेत कोरोनाबाबत सोशल मिडीयावर सकारात्क पोस्ट अधिक जादा प्रमाणावर कशा देता येतील हे पाहीलं पाहीजे. - महेंद्र एरंडे, प्राथमिक शिक्षक, थुगाव, ता. आंबेगाव