इंदापूर : इंदापूर पोलिसांनी उजनी धरण पाणलोट क्षेत्रात दि. १७ मार्च रोजी मौजे कालठण नं.२ येथे अवैध वाळू साठ्यावर कारवाई करून ५ लाख रुपयांचा ऐवज हस्तगत केला. पोलीस रोशन मुठेकर यांच्या फिर्यादीवरून अज्ञात इसमा विरोधात वाळूतस्करीचा गुन्हा दाखल करण्यात आला आहे. पोलिसांनी झारीतील शुक्राचार्य कोण आहे याची चौकशी सुरू केल्याने अवैध वाळूव्यावसायिकांचे धाबे दणाणले आहे.
मौजे कालठण नं.२ ( ता. इंदापूर ) गावच्या हद्दीत नदीकाठी असलेल्या ग्रामपंचायतीच्या पाणीपुरवठा विहिरीजवळ अज्ञातइसमाने ५ लाख रुपये किंमतीचा वाळू या गौण खनिजाचा बेकायदेशीर साठा केलेला आढळून आला. सदर वाळू उजनी धरणाच्या पाण्यामध्ये असल्याने वाहतूक करता येत नसल्याने त्याचा साठा करून ठेवण्यात आला होता.
सदर वाळूचे मोजमाप दंडात्मक कारवाई करण्याकरता तहसीलदार श्रीकांत पाटील, नायब तहसीलदार अनिल ठोंबरे व त्यांच्या पथकाने केले. वाळू काढण्यासाठी असलेली सक्शन बोट उजनी धरणाच्या पाण्यामध्ये असल्याने इंदापूर पोलिसांनी रात्रभर थांबून दि. १८ मार्च रोजी सकाळी वाजता दोन हायड्रॉलिक क्रेन व कंटेनरच्या सहाय्याने इंदापूर पोलीस स्टेशन येथे आणली.
अप्पर पोलीस अधीक्षक मिलिंद मोहिते, बारामती उपविभागीय अधिकारी गणेश इंगळे, इंदापूर पोलीस निरीक्षक टी.वाय.मुजावर यांच्या मार्गदर्शनाखाली पोलीस उपनिरीक्षक सुधीर पाडुळे पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.