इंदापूर : स्पर्धेच्या युगात आपला विद्यार्थी ज्ञानवंत व गुणवंत होण्यासाठी शिक्षकांनी सर्वोच्चप्राधान्य देणे गरजेचे असून विद्यालयातदर्जेदारपायाभूत सुविधा उपलब्ध करून देण्यासाठी कटिबद्ध आहे असे प्रतिपादन राष्ट्रवादी काँग्रेसचे पुणे जिल्हाध्यक्ष तथा स्थानिक स्कूल कमिटीसदस्य प्रदीप गारटकर यांनी केले.

रयत शिक्षण संस्थेच्या इंदापूर येथील सौ. कस्तुराबाई श्रीपती कदम विद्यालय व ज्युनि अर कॉलेज प्रांगणात राष्ट्रवादी काँग्रेसचे पुणे जिल्हाध्यक्ष तथा स्थानिक स्कूल कमिटीसदस्य प्रदीप गारटकर,मुख्याध्यापक रामचंद्र पाटील ,पर्यवेक्षक विजय शिंदे, माजी नगरसेवक श्रीधर बाब्रस, सन ७९-८० वर्गाचे अरुणा कारंडे, जोहरा सय्यद, डॉ. संदेश शहा, खंडेराव सोनवले, जनार्धन क्षीरसागर, भारत शेलार, भालचंद्र मखरे, सादिक मोमीन, महादेव इंगळे यांच्या हस्ते व वतीने चिंच जांभूळ, वड, करंज, बहावा, बांबू अशी ३०० झाडे लावण्यात आली. यावेळी इंदापूर शहरात १२०० झाडे लावून त्याची देखभाल करणारे वृक्षमित्र वासुदेव शिरसट, चंद्रकांत देवकर, अशोक चिंचकर यांचा सत्कार झाला.

श्री. गारटकर पुढे म्हणाले, या विद्यालयास मजबूत संरक्षक भिंत, आधुनिक व्यासपीठ, मैदान, बहुद्देशीय सभागृह यासाठी सहकार्य केले जाईल. माजी विद्यार्थ्यांनी पर्यावरण संतुलन तसेच विविध पक्ष्यांसाठी घनदाट वन योजनेचा स्तुत्य उपक्रम राबविला आहे,त्यांना सर्वतोपरी मदत केली जाईल.यावेळी विद्यालय हरित सेनेचे सुनील मोहिते, नितीन मदने तसेच सर्व शिक्षक शिक्षकेतर कर्मचाऱ्यांनी कार्यक्रम यशस्वीतेसाठी प्रयत्न केले.