Independence Day 2023 : पुण्यात एका म्युझिकल कॉन्सर्टमध्ये राष्ट्रध्वजाचा अवमान करणारी घटना समोर आली आहे. गायिकेनं तिरंगा झेंडा प्रेक्षकांमध्ये भिरकावल्यानं हा अवमान घडला आहे. या घटनेचा व्हिडिओ सोशल मीडियात व्हायरल झाल्यानंतर मोठी खळबळ उडाली होती.

याप्रकरणी संबंधित गायिकेवर पुणे पोलिसांनी गुन्हा दाखल केला आहे. रविवारी रात्री ही घटना घडली होती. (Independence Day 2023 15 August celebration musical concert Pune FIR singer Uma Shanti)

पबमध्ये म्युझिकल कॉन्सर्ट

सुत्रांच्या माहितीनुसार, पुण्याचं उपनगर मुंढवा इथल्या एका पबमध्ये रविवारी म्युझिकल कॉन्सर्टचं आयोजन करण्यात आलं होतं. यामध्ये गायिका उमा शांती हिच्या गाण्याचा कार्यक्रम सुरु होता.

यावेळी गायिकेच्या दोन्ही हातांमध्ये तिरंगा झेंडा होते, यावेळी उत्साहाच्याभरात गायिका उमा शांती हीनं तिरंगा झेंडा प्रेक्षकांमध्ये भिरकावला. तिची ही कृती राष्ट्रध्वज हाताळण्याच्या आचारसंहितेत बसणार नव्हती. (Latest Marathi News)

बँडवर गुन्हा दाखल

तिच्या या कृतीचा व्हिडिओ सोशल मीडियात व्हायरल झाला आहे. त्यानंतर अॅड. अशुतोष भोसले यांनी मुंढवा पोलिसांत याप्रकरणी तक्रार दाखल केली होती. त्यांच्या तक्रारीनुसार, ज्या बँडकडून या म्युझिकल कार्यक्रमाचं आयोजन करण्यात आलं होतं त्या 'शांती पिपल' बँडसह गायिका उमा शांती हिच्यावरही गुन्हा दाखल करण्यात आला आहे. (Marathi Tajya Batmya)

देशभरात स्वातंत्र्यदिनाचा उत्साह

उद्या देशभरात स्वातंत्र्यदिन साजरा होत आहे या पार्श्वभूमीवरच राष्ट्रध्वजाचा अशा प्रकारे अपमान झाल्यानं सोशल मीडियावर नेटकऱ्यांकडून संताप व्यक्त केला जात आहे.