पुणे - पुणे आणि पिंपरी -चिंचवड महापालिका तसेच प्रतिबंधित क्षेत्र वगळून पुणे जिल्ह्यातील सर्व उद्योग, कारखाने, औद्योगिक आस्थापना तात्काळ सुरु करण्यास देण्यात आलेल्या परवानगीचे उद्योजकांनी स्वागत केले असले तरी कर्मचाऱ्यांना पुरेशी सुरक्षा पुरविण्याचे आव्हान त्यांच्यापुढे असणार आहे.

ताज्या बातम्यांसाठी डाऊनलोड करा ई-सकाळचे ऍप

दोन्ही महापालिका आणि प्रतिबंधित क्षेत्राबाहेरील उद्योग सुरू करण्यासाठी कोणत्याही औपचारिक परवानगीची, पासेसची गरज नाही, असे प्रशासनाने स्पष्ट केले आहे. मात्र प्रतिबंधित क्षेत्रातील कोणत्याही कामगार किंवा कर्मचाऱ्याला कामावर जाण्याची किंवा प्रवासाची परवानगी दिली जाणार नाही. त्यामुळे कामाच्या ठिकाणी कर्मचाऱ्यांची संख्या कमी पडण्याची शक्यता नाकारता येत नाही. तसचे परराज्यातील कामगार आता त्यांच्या घरी जाण्याच्या तयारीत आहे.

नोकरभरती आणि बदल्यांबाबत राज्य सरकारने घेतला आजवरचा सर्वात मोठा निर्णय; वाचा सविस्तर!

''मराठा चेंबर ऑफ कॉमर्स, इंडस्ट्रीज आणि ऍग्रिकल्चर'' चे (एमसीसीआए) महासंचालक प्रशांत गिरबने  यांनी सांगितले की, ‘उद्योग परत सुरू करण्यासाठी परवाना आवश्यक नसल्याने उद्योजक आणि सरकार दोघांचाही वेळ वाचणार आहे. हे स्वागतार्ह आहे. आता परत लॉकडाउनची वेळ येवू नये, यासाठी आपलीही काही जबाबदारी आहे. व्यावसायिकांनी सर्व खबरदारी घ्यायला हवी. वाहनांमध्ये व कामाच्या ठिकाणी सामाजिक अंतर पाळले जाईल, यावर लक्ष ठेवावे.’

कोरोनाशी संबंधित पुण्याच्या बातम्या वाचण्यासाठी येथे ► क्लिक करा

प्रशासनाने घेतलेल्या या निर्णयाचा चाकणमधील उद्योजकांना चांगला फायदा होणार आहे. मात्र त्या ठिकाणी कामाला जाणारे बरेच कर्मचारी हे कोरोना बाधित क्षेत्रात राहात आहेत. पिंपरी- चिंचवडमधील स्थितीबाबत लघुउद्योजक संघटनेचे अध्यक्ष संदीप बेलसरे म्हणाले की, ‘आरोग्य खात्याने दिलेल्या सूचनांचे पालन करून उद्योजकांनी कर्मचाऱ्यांना कामाच्या ठिकाणी येण्यास प्रेरित करावे. इंडस्ट्रीच्या ठिकाणी निर्जंतुकिकरण कक्ष किंवा तपासणी केंद्र उभारावे, अशी मागणी यापूर्वीच आम्ही केली आहे. एप्रिल महिन्यात एकही दिवस व्यवसाय झाला नाही. त्यामुळे त्या महिन्यातील पगाराबाबत विविध प्रश्न उपस्थित झाले आहेत.