पुणे : महाराष्ट्र राज्य परीक्षा परिषदेमार्फत फेब्रुवारीमध्ये घेतलेल्या पाचवी आणि आठवीच्या शिष्यवृत्ती परीक्षेचा अंतरिम निकाल घोषित करण्यात आला आहे. हा निकाल परिषदेच्या "www.mscepune.in" किंवा "https://puppss.mscescholarshipexam.in" या संकेतस्थळावर पाहता येणार आहे.

राज्य परिषदेने पूर्व उच्च प्राथमिक शिष्यवृत्ती परीक्षा (इयत्ता पाचवी), शासकीय विद्यानिकेतन प्रवेश परीक्षा, आदिवासी विद्यानिकेतन प्रवेश परीक्षा, विमुक्त जाती व भटक्या जमाती विद्यानिकेतन प्रवेश परीक्षा आणि पूर्व माध्यमिक शिष्यवृत्ती परीक्षा (इयत्ता आठवी) यांचा अंतरिम (तात्पुरता) निकाल जाहीर करण्यात आला आहे. शाळांना आपल्या विद्यार्थ्यांचा निकाल  त्यांच्या लॉगिनमधून तसेच पालकांना आपल्या पाल्याचा निकाल संकेतस्थळावर पाहता येणार आहे.

ताज्या बातम्यांसाठी डाऊनलोड करा ई-सकाळचे ऍप

पिंपरी-चिंचवडच्या बातम्या वाचण्यासाठी येथे ► क्लिक करा 
 

विद्यार्थ्यांना गुणपडताळणीसाठी संबंधित शाळांच्या लॉगिनमध्ये येत्या २० ऑक्टोबरपर्यंत  ऑनलाइन अर्ज उपलब्ध करून देण्यात येत आहे. गुणांच्या गुणपडताळणीसाठी प्रत्येक पेपरसाठी ५० रुपये याप्रमाणे शुल्काची रक्कम  ऑनलाइन पेमेंटद्वारे भरायची आहे. त्याशिवाय विद्यार्थ्यांचे नाव, आडनाव, वडिलांचे नाव, आईचे नाव, शहर/ग्रामीण, अभ्यासक्रम यातील दुरुस्तीसाठी २० ऑक्टोबरपर्यंत संबंधित शाळेच्या लॉगिनमध्ये ऑनलाइन अर्ज उपलब्ध करून देण्यात आला आहे. हे अर्ज ऑनलाइन व्यतिरिक्त अन्य कोणत्याही पद्धतीने पाठविल्यास स्वीकारले जाणार नाहीत.

ऑनलाइनद्वारे आलेल्या अर्जानुसार गुणपडताळणीचा निर्णय संबंधित शाळेच्या लॉगिनमध्ये अर्ज प्राप्त झाल्यानंतर ३० दिवसांत कळविण्यात येईल. गुणपडताळणी अर्ज निकाली काढल्यानंतर अंतिम निकाल व गुणवत्ता यादी जाहीर करण्यात येईल, अशी माहिती राज्य परीक्षा परिषदेचे आयुक्त तुकाराम सुपे यांनी दिली आहे.

पुणे- मुंबई 'एक्सप्रेस वे'वर दोन अपघात; दोघांचा मृत्यू